#فراقد
#قوقعة-جمر
#ح - ٣٤ -
********************
ملاحظة (ترى والله ما الحك اراجع البارت
ويصير سحك بعض الكلمات
يعني يتقدم حرف لو يتأخر
ماكو داعي للتعليقات السلبية
-شنو هذا السحك شبيج ما تعرفين تكتبين؟؟؟
-تعلمي الإملاء وبعدين تعالي أكتبي قصة!
جماعة التدقيق اللغوي خليكم بعيدين عني،،،
كل بارت يتجاوز ٤٠٠٠ كلمة
مو بسهوله أصحح جميع الأخطاء
وقتي جدآ قليل
وتلفوني موديل قديم وتعبان يشلع القلب بالكتابة- يا محلاتج من تستخرجين السحكات GhsoonAlsaady بس لا تستخرجيهن كلهن على كيفج ويانه 😁❤️
+++++++++++++++++++++++++++
أصيرن مثل الطير من ينغث
يطير و ما يجلب بالعزيز......الغاثه 💔
++++++++++++++++++++بهجت --------
أخذني يونس البغداد حت يراجع بيه
هو شخص عندي تضخم بالطحال
وهو يعرف الأطباء هناك اخذني حت يتأكد من تشخيصةبالطريق صار بيناتنه سؤء فهم
هو اندمج ويه أغاني ياس خضر ومد إيده لمس خدي
أني اتخبل من هاي سوالف
من باب أخاف أصغر بعينه اذا عديت الموضوع
ومن باب روحي ما تتقبل يلمسني وأني مو إله
حت لو أحبه ما أرضه يلمسني.طول طريق بقينه ساكتين
بعد لا هو حاجاني ولا أني حاجيتهكبل لا نوصل للمشفي
بالطريق طبك بصف أبو جمبر يبيع أكل
طبك سيارته قريب عليه
ونزل جاب لفات أكل
قدملي بدون ما يحجي
وحت لفته خلاها بيدي
ورجع جاب استكانين جاي ورجع كعد كبالي على الرصيف باب السياره مفتوح-أكلي،،،نظيف وطيب
أعرفه صارلي سنين أكل من يمهناوشني استكان الجاي
وأخذ لفته من أيديإني حرت بروحي شلون الزم الاستكان
وشلون أكل اللفة.هو ضحك - خلي الاستكان على الدشبول
لا ينجفي عليج ويحركجسميت بسم الله وبلشت أكل
هو ما شاء الله بكلمتين خلص اللفة
حت ذيب وحميد وعمامي ما شاء الله يأكلون بسرعة ولكمتهم جبيرة،،،مو مثلنه احنه البنات ساعة يلا نخلص،،،عدنه أسرع وحده بالبنات غيدة
هي تكوم كبلنا