أقدم شكري الجزيل وتقديري واحترامي للأخ السيد علي أبو غيث (زوج هديل) لمساعدته بتقديم هذه الصورة الشعرية الرائعة ☝️ لهذة ألحلقة. +++++++++++++++++++++++++++
غيدة......
يمكن أحلى شعور بالدنيا هو شعور ألامومه أدعي رب العزة يرزق كلمن مشتهية هذا الشعور.
بناتي كوثر وضحى (بنات أخوها ذيب) أخذن كل وكتي غيرن حياتي طلعني من هذاك الجو اليخنك وأخذني لجوهن الحلو جو براءة الطفولة اترقب ضحكتهن،،،حركتهن،،،مناغاهن حلاتهن بالثياب الجديدة جمالهن من أرتب شعرهن فرحتي بيهن ما تنوصف لو وحدتهن نطقت كلمة جديدة
ومن كل عقلي اعارك أخوي ومرته (فرحه) وما انطيهن ألهم حقهم بالنهار بس يلعبون وياهن و يشبعون من سوالفهن باقي وكت النهار والليل كله يبقن بحظني
