Redamancy - Jumil (Complete)

Chapter 4

February လကုန်ဆုံးပြီးMarchလကိုရောက်လာတဲ့အခါမှတော့ထုံးစံအတိုင်းကျောင်းတွေပြန်ဖွင့်ကြတော့မည်။ဒါကြောင့်Juyeonနေတဲ့မြို့ငယ်လေးမှာလည်းကျောင်းအပ်သည့်သူများ.....ကျောင်းဝတ်စုံဝယ်သည့်သူများနှင့်လည်ပတ်လို့နေသည်။သူကတော့ကျောင်းဝတ်စုံဝယ်ပြီးသားမလို့ထပ်ဝယ်စရာမလိုတော့ချေ။

ကျောင်းပထမဆုံးတက်ရမည့်နေ့မှာတော့Juyeonခါတိုင်းထက်အနည်းငယ်စောစွာထလိုက်ပြီးလုပ်စရာရှိသည်များကိုလုပ်ရတော့သည်။ခါတိုင်းလိုအဝတ်အစားလဲ...သူ့ဝေယျာဝစ္စလုပ်ပေးမည့်မေမေမှမရှိတော့ဘဲ။ဒါကြောင့်ကိုယ့်အားကိိုကိုးရတော့မည်။

မဝတ်ရတာကြာပြီဖြစ်တဲ့ကျောင်းuniformလေးကိုသေချာကျကျနနဝတ်ဆင်လိုက်ပြီးnecktieကိုအနည်းငယ်ဖြေလျော့လိုက်သည်။Juyeonကnecktieစီးရတာကိုလုံးဝမနှစ်သက်ပါ။ဒါပေမဲ့အတန်းငယ်သေးတော့ဆရာမတွေကဆူမှာစိုးသည့်အတွက်သူတပ်ရခြင်းဖြစ်သည်။

သူ့အဝတ်အစားဗီဒိုထဲမှမေမေဝယ်ခဲ့ပေးသည့်ကျောပိုးအိတ်လေးကိုယူလိုက်ပြီးထည့်စရာရှိသည့်စာရေးကိရိယာများကိုထည့်လေသည်။ပြီးသွားတော့အောက်ထပ်ဆင်းပြီးရေဘူးထဲရေထည့်ကာသွားမည်အလုပ်လှေကားမှဆင်းလာသည့််ပထွေးနဲ့တွေ့တော့သည်။

"မင်းကျောင်းသွားတော့မှာလား"

"ဟုတ်ကဲ့"

"ရော့....ဒီပိုက်ဆံယူထားပြီးနေ့လည်စာဝယ်စားလိုက်!!!"

ဆိုကာသူ့လက်ထဲသို့ထည့်ပေးလာသောပိုက်ဆံအထပ်။ပမာဏကလိုအပ်သည်ထက်များနေသည်မလို့

"ဟိုခနလေး.....ဒါကျွန်တော့်အတွက်အရမ်းများတယ်....."

"မင်းကိုငါနေ့လည်စာလည်းမထုတ်ပေးနိုင်ဘူးအဲ့တော့နောက်နေ့တွေအတွက်ပါချန်ထား...မပျောက်စေနဲ့ လိုရင်ထပ်တောင်း"

ပြောပြီးအပေါ်ထပ်ပြန်တက်သွားလေသည်။Juyeonလည်းပေးသည့်ပိုက်ဆံထပ်ကိုသူ့ကျောပိုးအိတ်လေးထဲထည့်လိုက်ပြီးကျောင်းသွားရန်အိမ်ထဲမှထွက်လာခဲ့တော့သည်။

မြို့ငယ်လေးဖြစ်သလို...Juyeonနေအိမ်နဲ့ကျောင်းနဲ့ဟာအရမ်းတော့မနီးပေမဲ့အရမ်းလည်းမဝေးချေ။စက်ဘီးနဲ့သွားလျှင်မိနစ်20လောက်သာကြာသည်။ဖေဖေဝယ်ခဲ့ပေးသည့်စက်ဘီးလေးကိုအိမ်ရဲ့ဂိုထောင်ထဲမှJuyeonထုတ်လာလိုက်ပြီးဖုန်အနည်းငယ်ခါကာအိမ်ထဲမှထွက်လာလိုက်သည်။