{ တွေ့ဆုံဖို့ရန်နီးလာသောအခါဝယ်...}
"တောက်!!!!!!!"
ကျယ်လောင်သည့်တောက်ခေါ်သံနဲ့အတူစားပွဲပေါ်သို့အားနှင့်ပစ်ချခံလိုက်ရသည့်ဓာတ်ပုံအချို့။
တွန့်ချိုးနေသည့်မျက်ခုံးနှစ်ဖက်တို့မှာလည်းထိလုမတတ်။ ဆုပ်ထားသည့်လက်မှာသွေးတောင်လျှောက်တော့ရယ်လားမသိ။ အံကိုတင်းတင်းကြိတ်ကာစိတ်ကိုမနည်းထိန်းနေသည့်Lee Juyeonတစ်ယောက်စိတ်ထဲတွင်ဒေါသမီးနဲ့အတူသဝန်တိုခြင်းဟုခေါင်းစဥ်တပ်လို့ရသည့်စိတ်တို့ဟာကြီးစိုးနေခဲ့ပါသည်။
စားပွဲပေါ်တွင်ပစ်ချထားခြင်းခံရသည့်ဓာတ်ပုံအချို့ထဲမှကောင်လေးနှစ်ယောက်။ တစ်ယောက်ကတော့သူ့ရဲ့မူပိုင်လေးဖြစ်ခဲ့သည့်Jae....။
သို့ပေမဲ့သူမဟုတ်သည့်တစ်ပါးသူရဲ့ရင်ခွင်ထဲမှနားခိုလို့နေသည်။ သူမဟုတ်သည့်တစ်ပါးသူရဲ့လက်တို့နှင့်အတူဆုပ်ကိုင်ထားသည်။ သူမဟုတ်သည့်တစ်ပါးသူနှင့်အတူတူရှိနေသည်ကိုမြင်ရသည်မှာJuyeonအတွက်တော့ဒေါသထွက်ဖို့အလျဥ်းကိုဆောင်ကြဥ်းလေသလား။
အရှေ့မှာရပ်နေသည့်တပည့်ဖြစ်သူမှာလည်းဒေါသထွက်နေသည့်Juyeonကြောင့်ဘာမှလည်းမပြောရဲသေးသလိုတုပ်တုပ်မျှပင်မလှုပ်ရဲ။ ဒေါသထွက်နေပြီးသူ့ဘာလုပ်မယ်မှန်းမှမသိနိုင်ဘဲကို။
ညမီးရောင်စုံရဲ့အောက်မှာလှပနေတဲ့ဟန်မြစ်ရဲ့ဘေးမှာဖက်နေခဲ့ကြသည့်သူတို့နှစ်ယောက်ရဲ့ပုံကိုရှင်းလင်းစွာမြင်နေရပြန်သည်။ စားပွဲပေါ်မှာရှိနေသည့်ဓာတ်ပုံများအားအဓိပ္ပါယ်မဲ့စွာကြည့်မိနေရင်းJuyeonဒေါသစိတ်တို့ကတစ်စတစ်စပိုမိုကြီးထွားလာရတော့သည်။
အရင်တစ်ခါMallမှာတွေ့ကတည်းကနှစ်ယောက်သားကိုသံသဝင်နေမိခဲ့သည့်သူ့စိတ်ကြောင့်လူလွှတ်ပြီးစောင့်ကြည့်ခိုင်းထားမိသည်။ သူကိုယ်တိုင်လိုက်စောင့်ကြည့်ရင်ရပေမဲ့အတူတွဲတွေ့နေမိခဲ့ပါက Juyeonဘာလုပ်မိမယ်မသိ။
ဒါကြောင့်တစ်ခြားသူနှင့်စောင့်ကြည့်ခိုင်းထားခဲ့သည်။ ယနေ့ညလိုမျိုးမြင်ကွင်းကိုပုံထဲမှာမြင်တာတောင်သူအရမ်းခံစားသွားမိတာ။ အပြင်မှာသာမြင်မိလျှင် နှလုံးသားတစ်ခုလုံးစုတ်ပြတ်သွားတဲ့အထိသူအော်မိလိမ့်မလား။
ВЫ ЧИТАЕТЕ
Redamancy - Jumil (Complete)
Фанфикမြတ်နိုးရတဲ့နှုတ်ခမ်းပါးလေးကနေထွက်လာသည့်စကားက "မုန်းတယ်" တဲ့လား။ ျမတ္နိုးရတဲ့ႏႈတ္ခမ္းပါးေလးကေနထြက္လာသည့္စကားက "မုန္းတယ္" တဲ့လား။