Her Ruthless Husband

Kabanata 65

Nang tumigil kami sa isang malaking bahay ay napakunot ang noo ko. Pinagbuksan niya ako ng pinto nang nakangiti.

"Anong ginagawa natin dito, Doc.?" takang tanong ko.

"Stop calling me Doc. because I am no longer your doctor now. Anyways, we will meet my twin brother on the rooftop." Ngumisi siya at hinawakan ulit ang kamay ko.

Namimihasa na ang lalaking 'to. Kung hindi lang siya second cousin ni Diego, nako lang. Pumasok kami sa bahay at namangha ako sa laki at gara no'n.

"Don't be shocked. I hate it when people react like that when they're in my house."

"Ang ganda, e."

Sobrang ganda talaga ng loob ng bahay niya. Mukhang yari sa gold lahat. Nakakasilaw.

"You don't know what's behind this beautiful house," aniya at may pinindot.

Napaigtad ako ng bumukas ito. Pinapasok niya ako. Hindi ko naman alam na may elevator pala sa bahay na 'to. Well, sobrang laki, e. Nakakapagod 'to kapag nilalakad lang.

Pinindot niya ang rooftop. Hindi ko naman alam na may kakambal pala siya. Lumabas kaagad kami pagtunog ng elevator.

Sakto namang may marinig akong paparating na bagay. Hinanap ng mata ko ang kapatid niyang sinasabi niya.

"Nasa'n ang kakambal mo?"

Ngumisi siya at may itinuro sa itaas. "There. That's my twin brother."

Napahawak ako sa buhok ko nang mas maging malapit sa 'min ang itinuro niya. Tumawa siya at hinarangan ako para hindi ako mahanginan masiyado.

"Baka patayin ako kapag naging pangit ka pagkarating roon." Humalakhak siya.

Hindi pa ako nakakabawi sa pagkagulat na may helicopter na nasa harapan ko nang hawakan niya ang kamay ko at hinila papunta roon.

"Hoy! Teka! Ano! Saan mo 'ko dadalhin? Don't tell me pasasakayin mo 'ko riyan?"

"Then I won't tell you, honey."

Nagpumiglas ako pero hinila niya talaga ako papunta roon. Pinasakay niya ako nang walang man lang dahan-dahan kahit naka-gown ako at naka-stiletto.

Sumakay rin siya kaagad at isinarado.

"Saan mo ba ako dadalhin? Bakit may ganito pa? At saka anong twin brother?"

Hindi na niya nasagot ang tanong ko nang nagsimula nang tumaas ang sinasakyan namin. Nahampas ko siya ng tumawa siya ng malakas. Nakaligtas kasi siya sa mga tanong ko.

Ano ba talagang nangyayari?

Me in a gown.

Him being my driver.

And us in a helicopter.

Hindi ko na alam ang sasabihin at iisipin ko. Mababaliw na yata ako.

"Selena!"

Nilingon ko si Alois at nanlaki ang mata ko ng may tinakip siya bigla sa bibig ko.

"Ano ba! T-Tek-"

Hindi ko natapos ang sigaw ko ng dahan-dahang umitim at dumilim ang lahat ng para sa 'kin.

Nagising ako ng pakiramdam ko may tumatapik sa 'kin. Dahan-dahan kong idinilat ang mata ko at napatayo ako bigla nang hindi ko makilala ang nakikita ko.

"S-Sino kayo?"

"Clam down, Madame. We are not bad people. Pinaganda ka lang namin lalo."

Napatingin ako sa paligid. Mga salamin. Mga make up. Mga para sa buhok. Napatingin ako sa mukha ko sa salamin.