🐰ချစ်ခြင်းရဲ့ အလွန်🐰
part 4🐰
" ကိုကို သဘက်ခါသွားတော့မှာ ကလေး "
တေးသွား မျက်နှာလေး ညှိုးသွားသည်။ကိုကို က တေးသွား လက်ကလေးကို ခပ်ဖွဖွ ဆုပ်ကိုင် ရင်း
" ၂လ ၃လ လောက်တော့ ကြာမယ် "
" မသွားလို့မရဘူးလား ကိုကို "
မျက်ရည် ဝိုင်းလည်နေတဲ့ မျက်ဝန်းလေးတွေကို မသိကျိုးနွံမပြုဖို့ မတတ်နိုင်။ကျလုဆဲဆဲ မျက်ရည်လေးတွေကို လက်မနဲ့ ခပ်ဖွဖွ ဖိသုပ်ပေးလိုက်ပြီး
" ကိုကို့ ကိုစောင့်နေပါကလေးရယ် ကိုကိုပြန်ရောက်ရင်ကလေးလဲ စာမေးပွဲပြီးပြီမလား အဲ့အချိန်ကျရင် ကိုကိုတို့ လက်ထပ်ကြတာပေါ့ "
" တစ်ကယ်လား ကိုကို "
ကိုကိုက သွားစွယ်လေးတွေပေါ်အောင်ရယ်ပြပြီးခေါင်းလေးငြိမ့်သည်။
တေးသွား ကိုကို့ ခါးလေးကို ဖက်တွယ်လိုက်ပြီး ရင်ခွင်ထဲ ခေါင်းလေးတိုးဝင်မိသည်။
ကိုကို့ရင်ခွင်ကသာ တေးသွားအတွက်အလုံခြုံဆုံးနေရာဖြစ်ပါလိမ့်မည်။❁❁❁❁❁❁❁❁❁❁❁❁❁❁❁
ဒီနေ့ တေးသွားဖေဖေရဲ့ ၅နှစ်ပြည့် အလှူမို့ မေမေနဲ့ အတူ ဘုန်းကြီးကျောင်းရောက်ခဲ့သည်။
ဘုန်းဘုန်းကို ဆွမ်းကပ်ပြီး ပြန်ဖို့ပြင်ချိန် မထင်မှတ်ထားတာတစ်ခုတွေ့ လိုက်ရသည်။
အဲ့ဒါက ကိုကို နဲ့ ကြီးမေ။" မမစိန် တို့ ဘာလာလုပ်ကြတုန်း "
ကြီးမေ မျက်နှာလေးက ပြုံးရွှင်နေသည်။မေမေက ကိုကို့ ကိုကြည့်မရပင်မယ့် ကြီးမေကိုတော့ ဆွေမျိုးရင်းရှာတစ်ယောက်လို ချစ်ရှာပါသည်။
" ညည်း အစ်ကို ၅နှစ်ပြည့် အလှူ လုပ်တာ လေ ဒါနဲ့ ဆွေဆွေတို့ကရော "
" သားနေချို ရဲ့ မေမေ ဆုံးတာ ဒီနေ့ဆို အနှစ်၂၀ ရှိပြီလေ မမစိန် "
" အော် "
ဒေါ် စိန်ခြယ် ရဲ့ အကြည့်က ဒေါ်ဆွေဆွေ ဘေးမှာရပ်နေတဲ့ နေခြည်ချိုသွေးဆီရောက်သွားသည်။ဘုန်းကြီးကျောင်းလာတာတောင် အချိုးမပြေတဲ့ ရုပ်နဲ့။
ရုပ်ခံလေးက ချောပါတယ် ဒါပင်မယ့် အကျင့်ကို ကဂျစ်ကန်ကန်နဲ့မို့ ဒေါ်စိန်ခြယ်သဘောမတွေ့။
YOU ARE READING
🐰ချစ်ခြင်းရဲ့ အလွန်🐰🐰ခ်စ္ျခင္းရဲ့ အလြန္🐰[completed]
Romanceတစ်ခါတစ်လေ ဖူးစာက ဘေးအိမ်က ကိုကြီးဖြစ်နေတတ်တယ်။ နေခြည်ချိုသွေးနဲ့ တေးသွားသစ္စာ ဆိုတာ အမေမတူ အဖေကွဲ သံရောဇဉ်မောင်နှမတွေပါ။ငယ်ငယ်တုန်းက မသိသာပင်မယ့် ကြီးလာမှ သံရောဇဉ်တွေ ရစ်ပတ်နှောင်ဖွဲ့ရင်း အချစ်ဟူသောရင်ခုန်သံတွေ ဖြစ်ပေါ်လာတဲ့ အခါ။အသစ်သစ်သောရင်ခုန်...