🐰ချစ်ခြင်းရဲ့ အလွန်🐰🐰ခ်စ္ျခင္းရဲ့ အလြန္🐰[completed]

အပိုင်း20

🐰ချစ်ခြင်း ရဲ့ အလွန်🐰

                  [အပိုင်း ၂၀ 🌻]

.

အမြဲတမ်း အရိပ်တကြည့်ကြည့်နဲ့ စောင့်ကြည့် ခဲ့ရတဲ့ ဉယျာဉ်ထဲက ပန်းလေးမို့ ကို့လက်ထဲ ရောက်လာချိန် အလှပျက် ကာ နွမ်းခြောက်သွားမှာလဲ သေလောက်အောင်စိုးရိမ်မိသည်။

နေချို လက်ပတ်နာရီဆီ အကြည့်ရောက်သွားတော့ ၁၂ နာရီ ထိုးနေပြီမို့ အိပ်ရာဝင်ဖို့ပြင်လိုက် ​တော့ ဖုန်းထဲ ကို ရုတ်တရက်ဝင်လာတဲ့ message တစ်ဆောင်ကြောင့်  နှုတ်ခမ်းကိုက်ကာ ပြုံးလိုက်မိသည်။

" အိပ်မက်ထဲမှာ ကိုကို့ ကို တွေ့တယ် ...သတိရတယ် ..ပြီးတော့ အများကြီးလဲ ချစ်တယ်။"

နေချိုပြုံးရင်လဲပြုံးချင်စရာပါပဲ ဘယ်လောက် ချစ်စရာကောင်တဲ့  ကောင်မလေးလဲ။

"ဟလို "

နေချို ဖုန်းခေါ်လိုက်တော့ ချက်ချင်းတန်းကိုင်သည်။
ကိုကို့ ကို အိပ်မက်ထဲမှာတွေ့တယ် ဆိုတော့ ခုမှတစ်ရေးနိုးတာ ထင်ပါရဲ့။
ကို့မှာ တော့ သောက တဲ့ တပွေ့တပိုက်နဲ့ ခုထိတောင် အိပ်မပျော်နိုင်သေးတဲ့ အဖြစ်။

" ကိုကို မအိပ်သေးဘူးလား။"

" ဟွန့်..ကိုကို လဲတေးသွားလိုပဲ အိပ်မက်မက်ပြီး တရေးနိုးလာတာ.."

နေချို ခပ်တည်တည် ပဲ လိမ်လိုက်တော့ တစ်ဖက်က ရယ်သံလေးတွေ ထွက်လာကာ

" ကိုကို လဲတေးသွားကို အိပ်မက်ထဲမှာတွေ့တယ်ပေါ့။"

"တွေ့ပါတယ်ဗျာ"

အမေး ကို တုံ့ဆိုင်းခြင်းမရှိဘဲ အဖြေပြန်ပေးတော့ တေးသွားလေး ဆီက ရယ်သံလေးတွေ ထပ်ကြားရပြန်သည်။

" ကိုကို မဂ်လာဆောင် အပြင်အဆင်တွေ လိုက်ရှာနေတာ ..ကိုကို နဲ့ကလေး ရဲ့မဂ်လာဆောင်ကို ..သူများတွေနဲ့ မတူအောင် ဖန်တီးချင်လို့။"

" ဟိုး..ဆရာ တေးသွား လိုချင်တာက ကိုကို နေချို တစ်ယောက်ထဲ ပါ ..အပြင်အဆင်တွေ အဆောင်အယောင်တွေ တစ်ခုမှမလိုဘူး...
ကိုကို တစ်ယောက်ထဲ လိုတာ.."

"  ဘယ်အချိန်ထဲက ..အဲ့လောက်ချစ်တတ်သွားတာလဲ ..အရင်တုန်းက ၅၂၈ နဲ့ ၁၅၀၀တောင်မသဲကွဲတဲ့ ကလေးမက ခုတော့ စကားကြီးကြီးကျယ်ကျယ်တွေပြောပြီး လူကိုပြေးပေါက်မရှိအောင်ချုပ်တတ်နေပြီပေါ့။"