"ငါ ဆေးလိပ်သွားသောက်လိုက်အုံးမယ် Jeno"
Mark က Jeno ကြားရုံမျှ ခပ်တိုးတိုး လှမ်းပြောတာကြောင့် Jeno ခေါင်းအသာငြိမ့်ပြလိုက်သည်။
Taeyong ကတော့ လက်ထဲက အင်္ဂလိပ် ဘာသာနဲ့စာအုပ်ကိုသာ သဲကြီးမဲကြီး ဖတ်လို့နေသည်။
Mark က ခေါင်းအုံးအိပ်ထားတဲ့ Hoodie အင်္ကျီကောက်စွတ်ပြီး ဆေးရုံခန်းထဲက ထွက်သွားသည်။
သူခေါင်မိုးထပ်ရောက်တော့ အိပ်ကပ်ထဲက ဆေးလိပ်ဗူးကိုထုတ်လိုက်ပြီး ဆေးလိပ်တစ်လိပ်ကို နှုတ်ခမ်းမှာတေ့လိုက်သည်။ ဂျင်းဘောင်းဘီထဲက မီးခြစ်ကိုစမ်းတော့ ပါမလာ။
သူ့မျက်မှောင်တွေကျုံ့လိုက်ရင်း နှုတ်ခမ်းမှာခဲထားသည့်ဆေးလိပ်ကို ပြန်ထုတ်ဖို့အလုပ်မှာ ဆေးလိပ်နားကပ်လာတဲ့ ရွှေအိုရောင်မီးခြစ်လေး။ တစ်ခါတည်းခြစ်ပေးပြီး မီးတောက်တို့ကိုဆေးလိပ်ထိအောင်လာညှိပေးသည်။
ဆေးလိပ်ကို အသာရှိုက်ပြီး ဖွာရင်းမှ မီးခြစ်ပိုင်ရှင်ကို ကျေးဇူးတင်ဖို့ လှည့်ကြည့်လိုက်တော့ Markမျက်လုံးတွေက စူးစိုက်ကြည့်ပြီး ပြန်ငြိမ်ကျသွားသည်။
"Lee Taeyong?"
Mark က ဆေးလိပ်ထိပ်ပြာလေးကိုအသာတောက်ချလိုက်ကာ Taeyong ဘက်ကိုလှည့်ကြည့်ရင်းမေးသည်။
"ဘယ်လိုဖြစ်ပြီး ဆေးလိပ်သမားက မီးခြစ်ကျန်ခဲ့ရတာလဲ"
Taeyongက အပြုံးခပ်ဖျော့ဖျော့လေးနဲ့ သူ့ဘေးနားလာယှဥ်ရပ်သည်။
"အဲ့ဒီမေးခွန်း ငါက မေးရမှာမဟုတ်ဘူးလား။ စာအုပ်သမားဆီမှာ ဘာလို့ မီးခြစ်ရှိနေရတာလဲ။ ပြီးတော့ အခုနကအထိ စာအုပ်ဖတ်နေတဲ့လူက ဘာလို့ငါ့ဘေးရောက်နေသလဲဆိုတာ"
Markက ဆေးလိပ်တစ်ဖွာကိုရှိုက်လိုက်ပြီး အရှေ့ဘက်ကိုပြန်ငေးနေလိုက်သည်။
"မင်းကြောင့်လေ"
တိတ်ဆိတ်လွန်းတဲ့ပတ်ဝန်းကျင်မှာ သူ့ရဲ့ဆေးလိပ်ငွေ့တွေသည်သာရွေ့လျားနိုင်တဲ့သက်ရှိလေးတွေလိုမျိုး သူTaeyong ကိုပြန်လှည့်မကြည့်ပဲ လေးလံစွာနဲ့ စကားပြန်ပြောမိသည်။
YOU ARE READING
23-DAY(Complete)
Fanfiction"ခင်ဗျားကျွန်တော့်ကို တစ်ခါလောက်ပဲ ငှဲ့ကြည့်ပေးစမ်းပါHuangRenjun" "Jeno..ငါတို့က ဆရာနဲ့ တပည့် ဆက်ဆံရေးပဲ အဲ့ဒီထက်မပိုဘူး " Main OTP - Noren ______________23-Day____________ "ငါတို့တွဲကြရအောင် Mark Lee " "ငါက မိန်းမတွေပဲ ကြိုက်တာLee Taeyongရ" Sid...
