Guilty Pleasure 01: Pain After Vodka

Pleasure 36

Hindi ako makatulog sa gabing iyon. Madaming paraan na ang ginawa ko para makatulog ngunit hindi ko magawa. Kailangan ko pang pumunta kay Nick kinaumagahan para mag-usap para sa aking trabaho.

He sent me a pic that I can follow for my dress. Alanganin pa ako dahil baka hindi bagay sa akin. Masyadong fitted at lantad sa cleavage ang halos lahat ng nasa larawan.

Ngunit ang pinag-aalala ko talaga ay ang mensahe na aking natanggap sa aking cellphone. Ilang minuto rin akong nakatitig, nag-iisip kung ano ang plano na aking gagawin. Kung ano ang gagawin ko, kung sasabihin ko ba kay Arthuro ang text ng kanyang magulang o makikipagkita ako sa magulang niya.

His mother already sent a date, I don't know if I am available that day. Hindi muna ako nag-reply sa kanya dahil hindi talaga ako sigurado.

Inumaga na akong natulog. Pagkagising ko ay sabog ang aking mga mata dahil sa puyat. Inaantok parin ako ngunit kailangan kong bumangon para sa pagkikita naming ni Sir Nick.

Kailangan kong abalahin ang aking sarili, kailangan kong gawin iyon para hindi maisip ang lahat ng sakit na aking naranasan sa pagkawala nila mama at papa at ang paghihiwalay namin ni Arthuro. Hindi ko nga alam kung totoo ba ang nararamdaman ko para sa kanya, alam kong masama iyon pero naguguluhan ako. He was my first, and he came to my life in the middle of my darkness, nalilito ako kung mahal ko ba talaga siya o sadyang kailangan ko siya. Naiinis ako sa aking sarili dahil mismong sarili ko ay hindi ko na kilala, hindi ko alam kung ano ang mararamdaman ko. I am afraid, and I don't want to disappoint myself, I can't afford it because it that happens...I'll lost myself.

Ginugol ko ang aking oras sa loob ng banyo, naglinis ako ng aking katawan dahil hindi ko naman alam kung paano ang mangyayari, kung titingnan ba ang lahat ng parte ng aking katawan. Kung pati singit ba ay kailangang tingnan.

I wore tight leggings that I bought in a mall, binili ko 'yon kasama si Arthuro. I wore a cropped black tight dress with one flower in front. Nagdala rin ako ng hindi kataasang pointed heels dahil iyon ang nakalagay sa sinend ni sir Nick. As usual, I made my hair in a ponytail.

Naka-running shoes akong nagtungo sa building ng modeling agency ni sir Nick. Ginakabahan ako at pinagpapawisan dahil hindi ko alam kung ano ang pinasok ko. Maganda ang building, halatang sikat ito dahil sa eleganteng disenyo nito, it's a combination of white, gold, and little bit of black kaya mas nagmumukhang mamahalin.

Humugot ako ng malalim na hininga bago ako pumasok. I tried my best to look cool, I don't want people to see me nervous, baka iyon pa ang dahilan kung bakit hindi ako matanggap.

Kaagad akong nagtungo sa bulwagan at nakita ang isang counter malapit sa may elevator.

I asked for sir Nick and I told my name to the lady in corporate attire.

"Oh my! Ang aga mo! I love that, ayaw ko ng late sa building na 'to!" kaagad siyang tumayo sa kanyang swivel chair nang makarating ako sa mismong opisina niya. Sinalubong niya ako ng yakap.

I forced a smile in front of him. I don't even know if it was an awkward smile.

"Tingnan mo nga naman. Bulag ba ang ibang modeling agency at hindi ka nakita?" tanong niya sa akin ngunit hindi ko alam ang isasagot ko.

Ngumiti na lamang ako.

"Alam mo lahat talaga ng mga na-da-date ni Juakin puro model ang datingan. Look at you! Mukha palang panalo na." I was overwhelmed. Hindi ko alam kung nambobola na siya sa akin para hindi nalang ako masaktan.

Nag-usap pa kami ng ilang bagay. About sa kontrata, kung ano ang trabaho, mga expected na gagawin at mga maaring disadvantages.

Pinasubok niya rin akong maglakad.