When We Happened

Chapter 19: Asher Whisperer

Chapter 19

Asher Whisperer

Yap and I decided to go back to my apartment. Imbes na sa favorite gas station namin kami magpakalasing at magpaka-iresponsable, sa bahay na lang kami mag-wawalwal kung saan safe kami at malayong maaksidente.

Drink responsibly nga raw diba?

"Wow. Bati na kayo?" salubong sa amin ni Louisse pagpasok namin sa apartment. Aba, himala yata na nandito ito ngayon?

"Hey, L! Long time, no see!" bati ko sa kanya sabay angat ng brown bag na laman ang pinamili naming mga alak. "Tara, shot!"

Hindi niya ako pinsan. Instead, her smiling eyes were on Yap. "I guess you guys are okay na," sabi pa nito bago bumati sa best friend ko. "Hey, Yap."

Tinanguan lang siya nito at nginitian. Iminuwestra naman ni L ang sofa namin para paupuin siya rito. Inilapag ko sa center table ang mga inumin at nilagay rin ni Yap ang mga binili naming tatlong bote ng softdrinks for chaser, pizza, at roasted chicken na rin para sa lamang-tiyan.

Mawawala ba ang pulutan sa inuman?

"Hindi yata kayo magkasama ngayon ni Kade?" tanong ko sa aking transient roommate.

"He's actually coming up na din. Bumili lang siya ng dinner sa baba."

Nginitian ako siya nang nakakaloko, miss ko na rin kainuman itong si L. "After niyo kumain ng dinner, shot tayo!"

Natawa lang ito sa akin. "Why? Are we celebrating something?" mapang-asar pa nitong tanong. Kaso, bago ko pa siya mabara ay inunahan na akong sumagot ni Yap.

"She's going to New York."

Nanlaki ang mga mata ni L sa gulat at tuwa. "What?! You finally said yes to—"

Tinakpan ko ang bibig niya. "Wala pa! Kaka-convince pa lang sakin ni Yap na um-oo sa meeting." Napalingon ako sa best friend ko na ngingisi-ngisi sa harapan ko. "Advanced lang talaga 'tong si Yap!"

"She's going to get that representation. I know it," sabi pa nito.

"I agree," sagot ni L sa kanya bago tumayo at pumunta sa kusina at kumuha ng mga baso at shot glass. "Let's cheers to that!"

Biglang bumukas ang aming front door at pumasok ang boyfriend ng kaibigan ko. "Hey, hey, hey! What's going on? You haven't eaten yet, babe."

Walang anu-ano ay tinuro ako nito. "She's going to New York," sabi pa nito. "And we'll celebrate it tonight!"

Siniko ko ito. "Huy! Ano ba! Fake news kayong dalawa ha! Wala pa ngang meeting na nagaganap!"

"We know you're going to get it," sabat ni Yap.

Hay, ito talagang dalawa. Pagtulungan daw ba ako? "Masyado pang maaga para mag-celebrate, ano ba!"

"You're right," pagsang-ayon ni L. "Pero, promise us, you'll celebrate with us when you get that modeling contract."

Of course, hindi ko naman sasayangin ang oras at pera niina Sir Red at Sir Simon sa pagdala nila sa akin sa New York. "Oo naman."

"C'mon, then!" nakangiting sabi ni Kade habang naglalakad papunta sa dining table namin. "Let's eat dinner first before we get drunk."

Sumunod naman sa kanya ang girlfriend niya. Mag-sisimula na sana akong mag-ayos ng mga iinumin namin nang tawagin kami ni Kade. "You, two. Eat with us," sabi pa nito, sounding like a big brother.

Oh, wait.

Muntik ko nang malimutan, the elephant in the room. Cascade and Yap are in the same room. Parang first time mangyari 'to na silang dalawa ang magkasama, at wala 'yung dalawa pa nilang brothers.