ငါ့မေမေက နောက်တစ်ကြိမ်ထပ်ပြီး မျှော်လင့်နေပြန်ပြီ။

အပိုင်း 14

သူ့နောက်မှာ လူတစ်‌ေယာက်ရှိနေတာကိုတောင် သတိမထားမိလိုက်ဘူးတဲ့လား

ထိုစိုးရိမ်ကင်း‌ဆေးမြက်ပင်သည် အလွန်ဈေးကြီးသော အပင်တစ်မျိုးဖြစ်သည်။၎င်းအပင်များသည် ၂၁ ရာစုတွင်လည်း အလွန်တန်ဖိုးရှိပြီး စိတ်ရောဂါများကို ကုသရာတွင် အလွန်အသုံးဝင်သည်။

စိုးရိမ်ကင်းဆေးမြက်ပင်သည် ပဲပင်ပေါက်နှင့် သဏ္ဌာန်တူကြသည်။ရိုးရှင်းသော ဦးခေါင်းစိမ်းနှင့် သွယ်လျသော ခန္ဓာကိုယ်ပုံသဏ္ဌာန်ရှိပေသည်။သို့သော် ၎င်း၏အစိမ်းရောင် ဦးခေါင်းပိုင်းသည် အရောင်တောက်နေသောကြောင့် Gu Qingxue သည် ထိုအပင်ကိုပထမအကြည့်တစ်ချက်တွင်ပင် မြင်လိုက်ရခြင်းဖြစ်သည်။

"တောများထူထပ်၍ မြစ်များဝန်းရံနေသော တောသည် ထွက်လမ်းမရှိ" ဟူသောဆိုရိုးစကားသည် အမှန်ပင်ဖြစ်သည်။

ထိုစိုးရိမ်ကင်းဆေးမြက်များဖြင့် လင်းအာသည် သူ၏ကျူရှင်ခအတွက် ပူစရာမလိုတော့ပေ။

အရမ်းပျော်နေသော Gu Qingxue သည် စိုးရိမ်ကင်းဆေးမြက်ပင်ကိုကြည့်ရင်း တောက်ပနေသော ရွှေပုံကြီးကိုကြည့်နေသကဲ့သို့ မျက်လုံးများမှာ လင်းလက်လာသည်။

သူမသည် စိတ်လှုပ်ရှားစွာဖြင့် စိုးရိမ်ကင်းဆေးမြက်ပင်ဆီသို့ လျှောက်သွားလိုက်သည်။

သို့သော် တစ်စုံတစ်ယောက်က သူမထက်ပို၍ လျှင်မြန်နေခဲ့သည်။

သွယ်လျ၍ဖြူစင်သောရုပ်ပုံသဏ္ဌာန်တစ်ခုသည် ကောင်းကင်ပေါ်မှ မသေမျိုးများကဲ့သို့ မြက်ခင်းပြင်ရှိရာသို့ ဆင်းသက်လာခဲ့သည်။

ထိုသူ၏လက်သည် စိုးရိမ်ကင်းဆေးမြက်ပင်ကို ထိတော့မည်ကို မြင်လိုက်ရသောအခါတွင် Gu Qingxue ကလည်း လျှင်မြန်စွာလှုပ်ရှားလာခဲ့သည်။သူမသည် ငွေရောင်ဆေးထိုးအပ်သေနတ်ကို ထုတ်ယူကာ ထိလူကို ပစ်သတ်လိုက်သည်။

ထိုသူက ဘယ်လောက်ပဲလျှင်မြန်နေပါစေ သူမ၏သေနတ်လောက်တော့ မမြန်နိုင်ပေ။

အိုး!

ငွေရောင်ဆေးထိုးအပ်သည် သာမန်မျက်စိဖြင့် မမြင်နိုင်သော အရှိန်အဟုန်ဖြင့် အဖြူရောင်ရုပ်သဏ္ဌာန်ဆီသို့ ပျံသန်းသွားပြီး ထိသူ၏တင်ပါးကို တိုက်ရိုက်ထိမှန်သွားခဲ့သည်။