SWEETHEART 13: Someday My Prince

CHAPTER ELEVEN

"THERE you are," ani Prince nang makita siya.
"Kanina pa kita hinahanap." Hinawakan siya nito sa braso. "Let's dance, Lana."

Nagagalit siya rito dahil sa nakita at narinig niya sa hardin ng mga Gonzalo. But his smile melted her anger. She smiled back and allowed him to lead her to the dance floor. Sa mga bisig nito ay saglit na nawala sa isip niya ang hinanakit at paninibugho.

"We are dancing the Vienna Waltz, Prince," she said grinning, "Alangang-alangan ang suot ko. In fact, nating dalawa."

"We can pretend," sabi nito, smiling at her
devastatingly. "Ipikit mo ang mga mata mo at kunwa'y nasa isang palasyo tayo sa Vienna. Isang sapin-sapın at mabigat na gown ang suot mo. At ako naman ay tuxedo. You are Princess Delaney and I am Prince Prince, remember?"

"Oh, yes." She smiled nostalgically. What Prince
suggested was too easy. She felt like a princess in his arms. Na sila lang dalawa sa bulwagan at wala ang mga taong nakapaligid.

Nanatili sa mga labi niya ang ngiting kaligayahan. Ang mga taon na hindi sila nagkita ay nabayarang lahat nang mga sandaling iyon. Nang sa pag-ikot sa kanyani Prince ay isang pares na mga mata ang matamang nakatitig sa kanya.

Si Cleo. Nakasandal ito sa isa sa mga arko ng
kabahayan. She was looking at her with contempt in her eyes that made her shiver.

"Hey, giniginaw ka ba sa dami ng tao rito?" tanong ni Prince nang maramdaman ang pagkabisala ng mga paa niya.

"What made you say so?" she asked innocently.

"I swear I felt you shiver."

Her smile was genuine. "I always shiver in your
arms, My Prince,"

Isang matunog na halakhak ang pinakawalan nito. May ilang katabing nilingon sila at nakingiti. "Young girls these days are very forward," Prince shook his head in amusement.

Delaney rolled her eyes. "Kung magsalita ka'y para bang ang gap ng edad natin ay dalawang dekada." Nang lingunin niya si Cleo ay wala na ito sa kinatatayuan.

"I am almost a decade older than you, Delaney,"
ani Prince. Nawala ang ngiti at sumeryoso."Sa maraming pagkakataon ay nag-aalala ako sa pagpapalit-palit mo ng boyfriend. At sa paraan mo ng pagsasalita, anyone would think that you are willing to be-"

Hindi niya pinatapos ang sinasabi nito dahil
nararamdaman na niya ang kasunod na sermon. He was taking his role as his guardian to the hilt. "I can take care of myself, Prince," naiiritang sabi niya, "I never allowed those boys to kiss me. Hindi ba at sinabi ko sa iyong ikaw ang kauna-unahang lalaking hinagkan ko?"

"Hush!" he hissed. Kinabig siya nito palayo sa ibang nasa dance floor. Pasayaw siyang iginiya nito sa isang sulok. Then he heaved a sigh."I wish I were two decades older than you, Lana.."

She made a face. "Why?"

"So I know how to deal teenagers like you."

Napaungol siya. "Prince, you're not my father! You don't have to treat me as if I were your daughter. Treat me like... like..." Bago niya nadugtungan ang sinasabi ay nakangiting mukha ni Cleo ang nasa tagiliran nila.

"Iba na ang tugtog, Delaney," wika nito, matamis na ngumiti sa kanya. "Maaari bang kami naman ni Prince ang magsayaw?"

Hindi agad niya makuhang sumagot. Napatingala siya kay Prince. "Ihahatid ko muna si Delaney sa mesa namin, Cleo," wika nito.

"C'mon, Prince. Hindi maliligaw si Delaney sa bahay namin." She laughed. Hinila na nito sa braso si Prince patungo sa gitna ng dance floor.

Lumingon si Prince at humihingi ng paumanhin ang anyo nito. Mabilis siyang tumalikod upang hindi nito makita ang galit sa mga mata niya. Inabot niya ang isang kopita ng champagne mula sa tray ng umikot na waiter at tiungo ang mesa nila at naupo. Diniretso niyang ininom ang champagne at kung hindi niya napigil ang sarili ay malamang na sunud-sunod na ubo ang ginawa niya.