SWEETHEART 13: Someday My Prince

CHAPTER TWENTY

HINDI pa nakakalabas ng Kaila Ranch si Delaney, but she missed Prince already. A bleak emptiness filling her body and her heart. Higit na masakit ang paglalayo nilang ito kaysa noong una. Kung noon ay naroon ang tahimik na pag-asam na balang-araw ay magkakasama pa rin sila, ngayon ay tuluyan nang naglaho iyon.

Their lovemaking was the best thing that ever
happened to her. Naging kanya ito kahit sa sandaling panahon. At walang makapag-aalis niyon sa kanya. Dinama niya ang tiyan. Kung sakaling magbunga ang nangyari sa kanila ay hindi niya ikahihiya. She was still married to him when they made love. Her child would bear Prince's name.

Pinahid ng kamay niya ang tagaktak na pawis sa noo. Nasa kainitan ang panghapong araw. Halos kalahating oras na siyang naglalakbay. Hindi nìya makuhang bilisan ang pagpapatakbo dahil kinakabahan siya sa madamo at hindi patag na daan. Bukod pa sa iyon ang unang pagsakay niya sa tiburin.

Ang mga tumutunghay na punong-kawayan sa magkabilang daan ay hindi sapat upang harangan ang araw. Sandali niyang pinahinto ang kabayo nang matanaw ang boundary ng Rancho Gonzalo at Kaila Ranch. Kung magmumula sa bayan ay pakanan ang patungo sa Rancho Gonzalo at pakaliwa naman ang sa Kaila Ranch.

At kasalukuyang nasa kabilang rancho si Prince kasama si Cleo. Ang sakit na nararamdaman niya sa kaalamang iyon ay tila patalim na humihiwa sa puso niya. And tears started to well in her eyes. At bago pa niya mapigil iyon ay malaya nang pumatak ang mga iyon.

Nasa ganoon siyang tahimik na pag-iyak nang
makarinig ng mga yabag ng kabayo. Agad niyang pinahiran ng kamay ang mga luha sa pisngi niya. Itinuon ang paningin sa dulo ng magkasangang-daan.

Sa road bend mula sa Rancho Gonzalo ay lumitaw ang malaking stallion at ang sakay nito. Tuluy-tuloy ito, at nang marahil ay mahagip siya ng mga mata nito ay lumingon. Agad nitong hinatak ang renda ng kabayo upang huminto. Saglit lang itong nag-atubili at pagkuwa'y tinawid nito ang pilapil at madamong bahagi ng daan patungo sa kanya.

Pinahinto nito ang kabayo sa mismong malapit sa kanya."Delaney!" bati nito. I am surprised to see you here. Nasaan si Prince?"

"N-nasa kural, Teresa," sagot niya. Hindi niya
magawang aminin ditong magkasama sina Prince at Cleo.

Nagdududang umangat ang kilay nito. "Natitiyak mo?"

"Ofcourse. Why?" The lie made her wince inside. "Paalis na ako kanina nang makita kong kausap ni Cleo ang driver ng Papa at nag-utos na ihatid siya sa pupuntahan niya. Inaasahan kong sa inyo siya patungo."

"What gave you the idea?" she asked innocently.

"Dahil harot ang babaeng iyon! At habang naririto siya ay si Prince ang pinagtutuunan niya ng pansin," wika nito sa naniningkit na mga mata. "Walang lalaking hindi pinatulan si Cleo. Tulad mo rin."

Napahugot ng hininga si Delaney sa narinig. At bago siya nakaisip ng isasagot ay nagpatuloy ito.

"Nang bumalik si Cleo sa Australia ay natuwa ako. Wala nang makasasagabal sa amin ni Prince. He would have married me! Hindi niya kayang tanggihan ang inaalok ng Papa sa kanya. At mananatiling akin ang rancho na ito na buong buhay ko'y inukol ko rito... at magiging akin din si Prince."

Delaney was confused. Wala siyang naiintindihan sa sinasabi nito maliban sa matinding galit na nakikita niya sa mukha nito.

"Katuwaang iglap mong pinatay nang sabihin ni Prince na nagpakasal kayo. Hindi ako makapaniwalang pinakasalan ka niya. Tiniyak niya sa akin sa maraming pagkakataong para lamang kayong magkapatid. Pero pinikot mo siya, Delaney!"

"S-sinabi sa iyo ni Prince iyon?"

"Oh, no. Hindi nagsasalita si Prince. Ako na ang
gumawa ng sarili kong konklusyon nang patuloy na lumilipas ang mga buwan na hindi lumuluwas sa Maynila si Prince at hindi ka rin naman umuuwi rito sa rancho. Subalit malaki ang naging pagbabago ni Prince. Laging tahimik at nag-iisa. We used to be happy together, Delaney. I loved him and he loved me. I know that for a fact. At sana'y kami ang mag-asawa ngayon. Pero sinira mo ang buhay niya. Ang masaya naming relasyon. Higit kang masama kaysa kay Cleo! Kailangang mawala ka upang makalaya si Prince mula sa iyo!" Her face turned ugly in hatred.