ရေကျသံရပ်သွားသည့်အလျောက် ခေတ္တခဏအကြာမှာတော့ အမျိုးသားတစ်ယောက်က ရေချိုးခန်းထဲမှထွက်လာ၏။
ရေချိုးပြီးခါစမို့ အနက်ရောင်ဆံပင်တို့ထံမှာ ရေစက်များက ပုခုံးပေါ်သို့တစက်ပြီးတစက် ကျနေလျက်။ထိုလူ၏
နက်စွေးနေသော မျက်ဝန်းတစုံမှာစူးရှလှ၍ ဘယ်ဘက်မျက်လုံးထက်ရှိ ကန့်လန့်ဖြန့်အမာရွတ်ဟာလည်း ဟိတ်ဟန်ကြီးစွာဖြင့် ခန့်ညားသောမျက်နှာပေါ်၌ တည်ရှိလျက်။
ထိုလူ၏ခါး၌ တဘက်အဖြူ တထည်အားရစ်ပတ်ထား၍ ခန္ဓာကိုယ်အပေါ်ပိုင်းကိုတော့ လစ်ဟာပြထားသည်။
ဆင်စွယ်ရောင် အသားအရည်ပေါ်၌
အနီ၊အမဲ တက်တူးများက မျက်စိပဒေဿရှိလှစွာ။
အဆီပိုရယ်လို့မရှိပဲ အဆီများအစား ကြွက်သားအမြောင်းမြောင်းတို့က နေရာယူလျက်။
လက်မောင်းကြွက်သားတို့ဟာ မြင်လိုက်ရုံနဲ့တင် ယင်းလက်မောင်းများကြားတိုးဝှေ့ဝင်ချင်လှသည်အထိပင်။
ခပ်ကျယ်ကျယ်ပုခုံးနှင့် ကျယ်ပြန့်သောရင်ခွင်၌ ခိုဝင်ချင်နေကြသည့်မိန်းကလေးတို့ဟာ အများအပြား။
ထိုလူမှာ အသက်37နှစ်ခန့် ရှိပြီဖြစ်သော်လည်း
အသက်30လောက်သာရှိဦးမည်ဟုထင်ရသည်အထိကို နုဆဲပျိုဆဲ။
စိုင်း ကုတင်ပေါ်ရှိအဖြူရောင် စွပ်ကျယ်အားကောက်စွပ်လိုက်ရင်း အိမ်နေရင်းအဝတ်အစားများ အား
လဲလိုက်သည်။
ရေချိုးပြီးခါစက ဖြစ်ပါသော်လည်း
မန္တလေးနွေမှာ ပူလွန်းသည်မို့ နောက်တဖန် ရေထပ်ချိုးချင်စိတ်ဖြစ်လာပြန်သည်။
သို့သော် ထိုစိတ်လေးအားချုပ်ထိန်းထားလိုက်ရပါ၏။
စိုင်း အအိုက်ပြေရန် ရေခဲသေတ္တာထဲမှဘီယာအေးအေးလေး အားထုတ်သောက်နေခိုက်မှာပဲ
တိုက်ခန်းတံခါးဖွင့်သံနှင့်အတူ တူမဖြစ်သူ သင်းရတနာက အထုတ်အပိုးများ
နှင့် အထဲသို့ဝင်လာ၏။
"ဘေးကတိုက်ခန်းကို ပြောင်းလာတဲ့သူ
ရောက်တယ်ထင်တယ်။ပစ္စည်းတွေချနေတာတွေ့ခဲ့တယ်"
စိုင်း ဘီယာ သောက်လက်စနှင့်"အေး"ဟုသာ သာမန်လျှံကာ ပြန်ဖြေလိုက်သည်။
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
