In Love With An Old Mafia(Complete)

Part-7

အုံ့စိုင်းစိုင်း တိမ်စိုင်တို့ကိုငေးရင်း သက်ပိုင်၏ အတွေးတို့က ရောက်တတ်ရာရာ။
တစ်ယောက်တည်းသောသူအကြောင်း တွေးမိပြန်တော့ ရင်အစုံဟာနွေးထွေးသွားသလို။

စိုင်းအောင်မင်းခန့်ဆိုသော
ဒီလူသားသာ သူ့ဘဝထဲမပေါ်လာခဲ့ရင် အခုချိန်သူဟာဘယ်လိုလူမျိုးဖြစ်နေခဲ့မလဲ။
ဒါမှမဟုတ် လောကကြီးထဲမှာတောင်ရှိပါ့ဦးမလားလေ။

ဆယ်စုနှစ်ကြာမှ ပြန်တွေ့စုံခဲ့ရပေမဲ့ ထိုလူဟာ အရင်လို သူ့အပေါ်မှာနူးညံကြင်နာဆဲ။

လွန်ခဲ့သော အတိတ်တချိန်ကို ပြန်တွေးမိတော့ အမှတ်တရတွေဟာ အိုဟောင်းခြင်းမရှိခဲ့။
သူ့အားကျောပိုးပြီး ထိုလူလျှောက်ခဲ့တဲ့လမ်းတွေ၊
သူ့လက်ကိုဆုပ်ကိုင်ထားခဲ့တဲ့ ထိုလူရဲ့ခပ်ကြမ်းကြမ်းလက်တွေ၊
သူ့အားအကြိမ်ကြိမ်ထွေးပွေ့ပေးခဲ့တဲ့ ထိုလူရဲ့ရင်ခွင်၊
စသည့်စသည့် အရာများဟာ ဘာနှင့်မျှမလဲနိုင်လောက်အောင်အထိကို အဖိုးတန်လွန်းလှပါရဲ့။

သက်ပိုင် သူ့ကိုခေါ်တဲ့နာမ်စားလေးကတော့"လေးလေးငယ်"တဲ့လေ။

သူ လေးလေးငယ်
ကိုဘာကြောင့်များ ချစ်မိသွားခဲ့ရသလဲ။ဘယ်အချိန်ထဲကလဲ။
အဖြေဟာမရှိခဲ့။
လေးလေးငယ်
အနားမှာနေရင်လုံခြုံမှု၊နွေးထွေးမှုနဲ့စိတ်အေးသက်သာမှုကို ခံစားရတဲ့အပြင်၊ ဒီလူတစ်ယောက်တည်းကသာ သူ့ကို ချစ်ခြင်းမေတ္တာဆိုတဲ့အရာကိုခံစားစေခဲ့သောကြောင့်ဖြစ်ပါလိမ့်မည်။

ငယ်ငယ်ကတည်းက သူနားလည်ခဲ့သည်။လေးလေးငယ်
အနားမှာရှိရင် ပျော်ရွှင်ရသလို၊သူတစ်ယောက်တည်းအတွက်သာ သက်ပိုင် အသက်ရှင်ချင်ခဲ့သည်။

သူ လေးလေးငယ်ကိုချစ်တဲ့အချစ်က ဖေဖေနဲ့မေမေကိုချစ်တဲ့အချစ်လိုမျိုးမဟုတ်ခဲ့ပဲ ချစ်ခြင်းမေတ္တာ၏အခြားသောခေါင်းစဥ်တစ်ခုနဲ့ချစ်ခဲ့ခြင်းပင်။
ချစ်ရုံတင်လားဆိုရင်တော့ မဟုတ် မြတ်နိုးခြင်းတို့ဟာလည်း ရာခိုင်နှုန်းများစွာပါဝင်နေနိုင်သည်။

ထိုသူရဲ့မျက်နှာကိုပဲ တချိန်လုံး ထိုင်ငေးနိုင်သလို၊ထိုလူရဲ့လက်ကိုသာလျှင်ဆုပ်ကိုင်ထားချင်ခဲ့သည်။
ထို့အပြင် သူတစ်ယောက်တည်းကိုသာ"ချစ်တယ်"ဟူသောစကားကိုပြောချင်ခဲ့၍ မြတ်နိုးခြင်းတို့ဟာလည်း ထိုသူတစ်ယောက်အတွက်သာ ဖြစ်တည်ခဲ့သည်။