(သတိပေးတားမြစ်ချက်-သွေးထွက်သံယိုအခန်းများနှင့် လူသတ်ခန်းများပါဝင်သောကြောင့် နှလုံးရောဂါရှိသူများ သို့မဟုတ် ထိုကဲ့သို့အကြောင်းအရာများအားမကြိုက်လျှင် မဖတ်ရန်ပိုမိုသင့်လျော်ပါကြောင်းနဲ့ ဖတ်ရှုသူများကလည်း သတိနှင့်ဆင်ခြင်ဖတ်ရှုရန် သတိပေးအပ်ပါတယ်ဗျာ။
ဤအခန်းသည် စာရေးသူ၏စိတ်ကူးသက်သက်မျှသာဖြစ်၍ ပြင်ပလောကနှင့်လုံးလုံးမျှမသက်ဆိုင်ကြောင်းလည်း ပန်ကြားအပ်ပါတယ်ခင်ဗျာ)
*****
စိုင်း ကားအားအရှိန်မြင့်တင်လိုက်ရင်း စက်လင်းလျှံပေးသောတည်နေရာသို့ မောင်းထွက်လာခဲ့သည်။
နှလုံးသားအောက်ခြေတစ်နေရာက ကြောက်ရွံမှုဟာ စိုင်း၏လက်များကိုပင်တုန်ရီစေပြီး သက်ပိုင်ဘာမှမဖြစ်ပါစေနဲ့ဟူ၍သာ အထပ်ထပ်အခါခါဆုတောင်းနေမိသည်။
စိုင်း ဂိုဒေါင်အရှေ့၌ ကားအားကျွီကနဲထိုးရပ်လိုက်၍ ဂိုဒေါင်ဆီသို့ ပြေးသွားလိုက်မိသည်။
ဂိုဒေါင်တံခါးအားဆွဲဖွင့်လိုက်သည်နှင့် ပထမဆုံးတွေ့လိုက်ရသည့် မြင်ကွင်းဟာ စိုင်းအားနှလုံးရပ်သွားစေသည်အထိပြင်းထန်လှသည်။
သူ၏သက်ပိုင်ဟာ ဗလာကျင်းနေသောဂိုဒေါင်ထဲ၌ လူသေတစ်ယောက်လိုမျိုး
သွေးအိုင်ထဲမှာ
လဲကျနေခဲ့သည်။
"သက်ပိုင်!!"
စိုင်း သက်ပိုင်ဆီသို့ပြေးသွားလိုက်ရင်း သက်ပိုင်အား အနည်းငယ်လှုပ်၍ နိုးလိုက်သည်။
သက်ပိုင်နိုးမလာပါ။
သက်ပိုင်၏အဖြူရောင်ဆွယ်တာလေးဟာ ဖုန်မှုန်များသွေးများဖြင့်ပွေပွနေပြီး မူရင်းအရောင်ပင်ပျောက်နေကာ ခေါင်း၌လည်း သွေးများကအဆက်မပြန်ယိုနေသေး၏။
စိုင်း၏လက်ချောင်းများက လုံးဝကိုတုန်ရီလာပြီး သက်ပိုင်အားအလျင်ဆွဲပွေ့လိုက်မိသည်။
သူ၏ရင်ခွင်ထဲရှိသက်ပိုင်ကိုလှုပ်နိုးနေပေမဲ့ သူ့အသက်ဟာအသံတချက်မျှပြန်မပေးခဲ့ပါ။
သူနောက်ကျသွားတာများလား။
"သက်ပိုင်ထပါတော့ကွာ....လေးလေးငယ်ကိုထကြည့်ပါဦး"
"အသက် ငါရူးတော့မယ်လို့ ကျေးဇူးပြုပြီး!!!"
မျက်ရည်ပူများက ပါးပြင်ထက်သို့စီးဆင်းလာပြီး နှလုံးသားဟာဓားဖြင့်အထိုးခံရသည်ထက်နာကျင်နေ၏။
သက်ပိုင်ကိုဒီလိုမြင်ချင်ခဲ့တာမဟုတ်ဘူး
သူ့ပေါက်စက အခုလိုပုံစံမျိုးရှိနေရမှာမဟုတ်ဘူး။
KAMU SEDANG MEMBACA
In Love With An Old Mafia(Complete)
Romansa****** Start Date-Mar.31.2023 End Date-Nov.17.2023 *****
