ပြင်ဦးလွင်မြို့ရှိ လမ်းအသွယ်သွယ်များအားဖြတ်သန်း၍ နောက်ဆုံးတော့အဖြူရောင်နှစ်ထပ်အိမ်ကလေးရှိရာသို့ ကားလေးဟာတရွေ့ရွေ့။
"ဒီအိမ်လား"
"ဟုတ်တယ် လေးငယ်"
အဖြူရောင်တထပ်အိမ်ကလေးအားကြည့်ရင်း စိုင်း အေးချမ်းမှုသေးသေးလေးအား ခံစားလိုက်ရသည်။
အိမ်ကလေးအား ခြံစည်းရိုးအဖြူလေးများနှင့်ကာရံထားပြီး အိမ်ဝင်းထဲတွင်ပန်းပင်လေးများကိုလည်းပျိုးထားသေးသည်။
ပန်းပင်ကလေးများကြားထဲတွင်တော့ အဖြူရောင်ဒန်းလေးတစ်ခုရှိ၍ အိမ်ပိုင်ရှင်မှာအဖြူရောင်ကိုနှစ်သက်ပုံပေါ်သည်။
"မင်းက အဖြူရောင်သိပ်ကြိုက်တာပဲလား"
"အမှန်က ဒီဇိုင်းက သူငယ်ချင်းဆွဲပေးတာရယ်။ အရောင်ကိုရွေးတော့ ထွေထွေထူးထူးကြီးလုပ်မနေချင်တော့တာနဲ့ အေးချမ်းတာလေးပဲရွေးလိုက်တာ။
လေးလေးငယ်ကောဘယ်လိုထင်လဲ"
"အင်း လှတယ်"
"ကျွန်တော် တော်တယ်ဟုတ်"
"တော်တယ်"
သက်ပိုင်၏အပြောကို စိုင့်က
ခေါင်းငြိမ့်ကာထောက်ခံလိုက်တော့ သက်ပိုင်က အားပါတရနှင့် ကျေနပ်စွာပြုံးသည်။သက်ပိုင်၏ပုံစံမှာ ကလေးလေးတစ်ယောက်ကသူ့မိဘက သူ့ကိုချီးကျူးလိုက်တဲ့အခါဖြစ်သွားတဲ့ ပုံမျိုးပင်။
တကယ့်ကိုကလေးပေါက်စ အလား။
နှစ်ယောက်သား အထုပ်အပိုးတွေချအပြီးတွင်တော့ ပိတ်ချင်းမြှောင်၌ဝယ်လာခဲ့သည့် ဝိုင်များအားထုတ်၍သောက်ကြလေတော့သည်။
ဝရံတာရှိ တံခါးပေါက်မှ ဝင်လာသောလရောင်က အခန်းထဲသို့ဖျော့တော့တော့နှင့်ကျရောက်နေလျက်။
လေပြေတချက်ဝှေ့တိုက်သွားသည်နှင့် ပင်ပန်းနွမ်းနယ်မှုတို့ဟာ ယင်းလေပြေတို့ကြားရောယှက်ကာပါသွားသလိုလို။
မပြင်းမရှနှင့် ချိုမြမြဝိုင်တို့ဟာ လည်ချောင်းထဲသို့စီးဆင်းလာခိုက် ခန္ဓာကိုယ်ဟာအနည်းငယ်မြူးကြွလာသလိုလို။
ဝိုင်ကိုအရသာခံသောက်ရင်း ကောင်းကင်ကြီးအားကြည့်မိတော့ လမင်းကြီးနှင့်အတူကြယ်ရောင်စုံတို့ဟာ တလက်လက်နှင့်။
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
