စိုင်း မျိုးဆက် အားကားဆီသို့ ပြန်လည်ခေါ်ဆောင်နေခိုက် ရုတ်တရက်
သူ့နှုတ်ခမ်းများဆီသို့ လာရောက်ဖိကပ်လာသောမျိုးဆက်၏နှုတ်ခမ်းလွှာတို့။
ရုတ်ချည်းဆန်လှသည်မို့ ပြန်လည်တွန်းကန်ဖို့ရန်အတွက် မဖြစ်နိုင်ခဲ့
နှုတ်ခမ်းပါးတို့ထိကပ်လာခိုက် စိတ်အစုံဟာ ဒေါသအငွေ့တို့တောက်လောင်စွာ။
ပြန်လည်၍ ရိုက်နှက်ပစ်ရန် ကြံရွယ်လိုက်ပါသော်လည်း အရှိန်အဟုန်
ပြင်းပြင်း၏ခြေထောက်တစ်ဖက်က မျိုးဆက်၏ဗိုက်အပေါ်သို့ သူ့အစား
ရောက်နှင့်နေခဲ့ပြီးသား။
ယင်းကန်ချက်ကြောင့် မျိုးဆက်ဟာကားရှိရာဘက်သို့လွှင့်ထွက်သွား၍
ကား၏ကိုယ်ထည်နှင့်ကျောကုန်းကသွားကာဆောင့်မိသွားသည်။
ကန်လိုက်သည့်သူဟာတော့ မည်သူပင်မဟုတ်......သူ၏ ချစ်လှစွာသောအသက်။
နဂိုကအရက်မူး၍ လမ်းပင်မလျှောက်နိုင်တော့သော မျိုးဆက်ဟာတော့
သက်ပိုင်၏ကန်ချက်ကိုလက်ခံရယူပြီးချိန်တွင် ကားကိုယ်ထည်အားမှီ၍ မြေပြင်ပေါ်၌ဖင်ထိုင်လျက်ကျကာ မေ့မျောသွားလေသည်။
စိုင်း သက်ပိုင်အားတချက်ငဲ့ကြည့်မိတော့
နီရဲနေသောမျက်ဝန်းတစ်စုံဟာ လောင်လောင်မြိုက်မြိုက်
ခပ်ရဲရဲနှုတ်ခမ်းပါးတို့ဟာ သွေးအရောင်လွှမ်းနေ၍ သွားဖြင့်ကိုယ့်ဘာသာပြန်လည်ဖိကိုက်ထားဟန်။
တင်းတင်းကြိတ်ထားသောအံ နှင့်အတူ
လည်ပင်းနှင့်နဖူးရှိ
အကြောစိမ်းတို့ဟာလည်း ထောင်လျက်နှင့်။
တုန်ရီနေသော ခန္ဓာကိုယ်နှင့်အတူ
ဒေါသမီးတို့အား ထိန်းချုပ်နေဟန်။
သူ၏သက်ပိုင်မှာတကယ့်ပင်စိတ်တိုနေခြင်း။
"သက်ပိုင်..."ဟူ၍ခပ်တိုးတိုးခေါ်လိုက်တော့အနှီလူငယ်ဟာ သူ့ကိုလှည့်ကြည့်လာရှာ၏။
နီရဲနေသောမျက်လုံးထောင့်များဟာ ဒေါသကြောင့်မဟုတ် ပူဆွေးမှု၊ဝမ်းနည်းမှုတို့ကြောင့်သာလျှင်။
ထို့နောက် သူ့အားကြေကွဲစွာခေါ်လှသည့်နာမ်စားလေးကား
"လေးလေးငယ်...."
စိုင်း သက်ပိုင်၏တုန်ရီနေသောလက်တဖက်အနားသို့ လက်အားလှမ်းလိုက်ရင်း ခပ်သာသာဆုပ်ကိုင်လိုက်တော့ လက်ချောင်းကလေးများကအေးစက်စက်ရယ်။
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
