"ဒါလေးက လေးလေးငယ်နဲ့လိုက်တယ်"
ဆွယ်တာ အင်္ကျီတွေကိုတစ်ထည်ပြီး တစ်ထည် အားပါအားရထိုင်ရွေးနေသော သက်ပိုင်။
ပြင်ဦးလွင်ကိုရောက်ရင် ဆွယ်တာတစ်ထည်တော့ ဝယ်ကိုဝယ်သွားသင့်တယ်ဟုဆိုကာ စိုင်းတစ်ယောက် ဆွယ်တာဆိုင်ထဲသို့
အတင်းဆွဲခေါ်ခဲ့သောကြောင့် လိုက်ခဲ့ရခြင်းပင်။
ယခုနဲ့ဆိုလျှင် သူနဲ့သက်ပိုင်ဒီဆွယ်တာဆိုင်ထဲမှာ မိနစ်20လောက်ကြာနေပြီဖြစ်သည်။
ဒါတောင် အနှီးကောင်လေးမှာရွေးလို့မပြီးနိုင်သေး။ဆွယ်တာပုံကြီးကြားထဲ ဘယ်တစ်ထည်ကိုဝယ်ရမလဲဆိုတာကို ခေါင်းခြောက်နေပုံ။
ရွေးနေတာ
ကလည်း သက်ပိုင်အတွက်မဟုတ်ပဲ သူဆိုတဲ့စိုင်းအတွက်တဲ့လေ။
စိုင်း ဆိုင်ထဲအား ဟိုဟိုဒီဒီလျှောက်ကြည့်ရင် ဆိုင်၏ထောင့်စွန်းနားမှာချိတ်ဆွဲထားသည့် အဖြူရောင်
ဆွယ်တာလေးဆီ၌ အကြည့်သွားရောက်သည်။
ခေါင်းစွပ်ဆွယ်တာအမျိုးအစားဖြစ်၍ လည်ပင်းက roll neck အမျိုးအစားပင်။
ဆွယ်တာ၏အရောင်ကား
ဗျိုင်းတစ်ကောင်၏ အမွှေးလိုမျိုးဖြူစွတ်နေပြီး သက်ပိုင်နှင့်အတော်လေးလိုက်မည်ဟု စိုင်းထင်မိ၏။
စိုင်း ဆိုင်ရှင်အမကြီးအား
"ဟိုနားက အဖြူရောင်ဆွယ်တာလေး ပြကြည့်လို့ရမလား" ဟုမေးလိုက်သည်။
ထိုအခါသက်ပိုင်က လှည့်ကာကြည့်လာ၏။ထို့နောက်သူ့အားမေးသည်က
"လေးလေးငယ်က အဲ့တစ်ထည်ကိုကြိုက်တာလား"
ဆိုင်ရှင် အမကြီးက ယင်းဆွယ်တာအား သူ့လက်ထဲသို့ထည့်အပြီးတွင်တော့ စိုင်း ဆွယ်တာအား သက်ပိုင်၏ ကိုယ်ပေါ်၌တင်ကြည့်လိုက်၍
"မင်းအတွက်"
"ကျွန်တော့်အတွက်?"
သက်ပိုင် နားမလည်စွာမေးမိတော့ လေးလေးငယ်က သူ့ကိုခေါင်းပြန်ငြိမ့်ပြသည်။
ဆွယ်တာဖြူဖြူကိုငုံ့ကြည့်မိတော့ နှလုံးသားလေးထဲနွေးထွေးမှုသေးသေးလေးကချောင်းငယ်လေးကဲ့သို့စီးဆင်းသွား၏။
"အင်း မင်းနဲ့လိုက်တယ်၊
ဒီတစ်ထည်ယူမယ် အမ"
သက်ပိုင် လေးလေးငယ်၏ပုခုံးပေါ်သို့ ခါးကိုင်းကာမှေးအားတင်လိုက်သည်။
YOU ARE READING
In Love With An Old Mafia(Complete)
Romance****** Start Date-Mar.31.2023 End Date-Nov.17.2023 *****
