(Unicode)
Church ကျောင်းတစ်ခု...။
သိပ်ကိုရိုးရှင်းပြီးလှပလွန်းတဲ့ Church ကျောင်းလေးထဲမှာ ကျင်းပနေတဲ့မင်္ဂလာပွဲလေးကတော့ မလှပခဲ့ပါ...။ ဒေါသကြောင့် တည်နေတာထက်ပိုပြီး ခက်ထန်တဲ့မျက်နှာထားနဲ့ကောင်လေးရယ် ဝမ်းနည်းစိတ်ကြောင့် ညိုးငယ်နေတဲ့မျက်နှာနဲ့ ကောင်လေးရဲ့ မင်္ဂလာပွဲကို တက်ရောက်သူတွေက အုပ်ထိန်းသူတွေနဲ့ လူအချို့သာ...။
"သတို့သား Kim Seokjin သည် သတို့သား Min Yoongi ကို သက်ဆုံးတိုင် ပေါင်းဖက်မည်လား"
Father ရဲ့အသံကလွဲလို့ ကျန်တဲ့အရာအားလုံးဟာ တိတ်ဆိတ်နေသယောင်...။ Yoongi က Seokjin ရဲ့ မျက်နှာကို လှမ်းကြည့်ပြီး ခေါင်းကို ငုံထားလိုက်သည်...။
"ဟုတ်ကဲ့ ပေါင်းဖက်ပါမည်"
ပြန်လည်ဖြေဆိုခဲ့ပေမယ့် တည်တင်းနေသောမျက်နှာသည် ပြောင်းလဲမှု မရှိခဲ့ပေ...။
"သတို့သား Min yoongi ကရော သတိုးသား Kim Seokjin ကို သက်ဆုံးတိုင်ပေါင်းဖက်မည်လား"
Yoongi အရှေ့က Seokjin ရဲ့ မျက်နှာကို တွေဝေစွာ ကြည့်ပြီးမှ...
"ဟုတ်ကဲ့ ပေါင်းဖက်ပါမည်"
ကျွန်တော်ဖြေလိုက်တော့ တစ်ချက်မဲ့ပြုံးပြုံးသွားတဲ့ Jin Hyung ကို ကြည့်ပြီး ငြင်းပစ်ချင်သော်လည်း ထိုင်ခုံမှာ ထိုင်နေတဲ့ Yoonji လေးကိုမြင်တော့ ငြင်းချင်စိတ်တွေအကုန် ပျောက်ကွယ်သွားသည်...။ ကျွန်တော်ချစ်ရတဲ့ ကျွန်တော့်ညီမလေးကို အသက်ရှည်ရှည် နေထိုင်စေချင်သေးသည်...။
"လက်ထပ်ပွဲပြီးမြောက်ပါပြီ"
လက်ထပ်ပွဲပြီးပြီဟုသောစကားကြောင့် ကျွန်တော်သက်ပြင်းချလိုက်သည်...။ နောက်ဆုံးတော့ အဆင်ပြေသွားတာပါပဲ...။
ပြန်ဖို့လုပ်တဲ့ ကျွန်တော်တို့နှစ်ယောက်ကို ကြည့်ရင်း father က
"အကြင်နာမပေးဘူးလား သားငယ်... အကြင်နာပေးတယ်ဆိုတာ ကာကွယ်ပေးမယ် လွှမ်းခြုံပေးမယ်လို့ အဓိပ္ပာယ်ရှိတယ်လေကွယ် "
Father ရဲ့စကားအဆုံးမှာ ကျွန်တော့်ရင်တွေ ဒိန်းကနဲခုန်သွားသည်...။ မနေ့ကတင် ကျွန်တော့်ကို ထိုးထားတဲ့ လူတစ်ယောက်က... မနေ့ကတင် ပိုင်းလုံးကောင်လို့ခေါ်ထားတဲ့ လူတစ်ယောက်က ကျွန်တော့်ကိုနမ်းမှာတဲ့လား...။ ကျွန်တော်ခေါင်းကိုငုံ့ချလိုက်တော့ နဖူးပေါ် ကျရောက်လာတဲ့ အနမ်းကြောင့် အံသြကြီးစွာမော့ကြည့်လိုက်မိ၏။
YOU ARE READING
Without You (Completed)
Fanfictionမင်းမပါတဲ့ငါ့ဘဝက အသက်မဲ့လွန်းတယ် Yoon~ ကျွန်တော်က အကို့ရဲ့တောင်ပံတစ်စုံဖြစ်ပေးမှာပါ~ A YoonJin story by AchanN
