Without You (Completed)

Part - 6

(Unicode)

ဘေးနားက တဒုတ်ဒုတ်နဲ့ အသံကြောင့် လှမ်းကြည့်လိုက်တော့ Min Yoongi ဆိုတဲ့ကောင်လေးက အပီအပြင်ကိုငိုက်နေရင်း မှန်နဲ့ခေါင်းနဲ့ မိတ်ဆက်နေလေရဲ့...။ ကြည့်နေရင်းနဲ့ကို ခေါင်းက တဖြည်းဖြည်းရှေ့ကိုစောင်းသွားပြန်သည်...။

~ဒုတ်~

ကားမှန်နဲ့တိုက်ပြီး ရှုံမဲ့ကာ ဒီဘက်လှည့်လာတဲ့သူ့ကြောင့် မြန်မြန်အိပ်ချင်ယောင်ဆောင်လိုက်သည်...။ ခဏနေလို့ မျက်စိဖွင့်ကြည့်တော့ ထပ်ပြီး ငိုက်နေပြန်ရော...။ ခေါင်းကို ရှေ့ငိုက်ငိုက်သွားတဲ့ သူ့ကိုကြည့်ရင်း ရယ်မိသည်...။ ဘယ်လောက်တောင် အိပ်ရေးပျက်နေလို့ ဒီလောက်တိုက်နေတာကိုမနိုးရတာပါလိမ့်...။

ကြည့်နေရင်းပင် ရှေ့ကိုငိုက်ထွက်သွားတဲ့သူ့ကြောင့် လှမ်းထိန်းကာ လူကို အနောက်နည်းနည်းတိုးပြီး ပခုံးပေါ်ကို ခေါင်းတင်ပေးလိုက်သည်...။ မှန်နဲ့ခေါင်းနဲ့တိုက်ရင် ထွက်လာတဲ့အသံက စိတ်ရှုပ်စရာကောင်းသည်မလား...။ ညရောက်လို့ အကုန်လုံးလည်းအိပ်နေပြီဆိုတော့ ဘယ်သူမှတော့ မတွေ့လောက်ပါဘူး...။ ပခုံးပေါ်ရောက်တော့ အိပ်ရတာပိုပြီးသက်တောင့်သက်သာရှိလို့လားမသိဘူး အင်းအဲလုပ်ကာ ခေါင်းကိုတိုးပြီး နှစ်နှစ်ခြိုက်ခြိုက်ကို အိပ်ပျော်နေပြန်သည်...။ နေပါအုံး..ဒီနေရာမှာ သူများဆိုလည်း သူဒီလိုပဲ အိပ်နေမှာလား..။

~တောက်~

တောက်ခေါက်လိုက်တာ ဘေးနားကသူကမနိုးဘဲ ဟိုဘက်က Jungkook က အိပ်မှုန်စုံဖွားနဲ့ နှိုးလာပြီး ကျွန်တော့်ကိုပြူးကြောင်ကြောင်နဲ့ ကြည့်ကာ ဘာလဲဆိုတဲ့သဘောနဲ့ မေးဆတ်ပြလို့ ခေါင်းခါပြလိုက်သည်...။

Jungkook သာနှိုးလာတာ ဘေးကကောင်ကတော့ အသေကောင်လို အိပ်နေဆဲပင်...။ ကျွန်တော်လည်း သက်ပြင်းတစ်ချက်ချပြီး မျက်စိကိုပြန်မှိတ်ပြီး အိပ်စက်ရာဆီသို့...။

~~~~~~~~

Yoongi အိပ်မက်ထဲမှာ marshmallows တွေပေါ် အိပ်နေရသည်ဟု မက်နေသည်...။ နူညံ့သည်...။ ပြီးတော့မွှေးသည်...။ Yoongi သဘောတကျပြုံးလိုက်၏။

"Min Yoongi ထဟ"

နားထဲမှာကြားရတဲ့ အသံတွေကြောင့် မျက်လုံးကိုမဖွင့်ချင် ဖွင့်ချင်နဲ့ ဖွင့်လိုက်တော့ မျက်စိထဲဝင်လာတာက အဖြူရောင် spot shirt...။ ငါဘယ်သူရင်ခွင်ထဲရောက်နေတာလဲလို့ အလန့်တကြားမော့ကြည့်တော့ လူကိုစိတ်ပျက်လက်ပျက်နဲ့ ကြည့်နေတဲ့ Jin Hyung ကြောင့် အိပ်ချင်စိတ်တွေတောင် အကုန်ပျောက်ကုန်သည်...။