Start writing your story
(
Unicode)
အန်တီက ဖုန်းဆက်ပြီးခေါ်တာကြောင့် ဆေးရုံဘက်ကို အပြေးလာခဲ့သည်...။ ဆေးရုံရောက်တော့ အပြင်ဘက်မှာ ရပ်စောင့်နေတဲ့ အန်တီကိုတွေ့တော့ အနားကို အမြန်သွားကာ...
"မာမီ ဘာလို့အပြင်ဘက်မှာ စောင့်နေတာလဲ "
ကျွန်တော်ပြောတော့ လက်ကိုအသာဆွဲကိုင်လာတဲ့ အန်တီ ကျွန်တော့်ကိုပြုံးပြသည်။
"ကျေးဇူးပါ သားငယ်လေး ~သားဆုံးဖြတ်ချက်ကို မာမီအရမ်းဝမ်းသာတာပဲ"
လက်ကိုဆုပ်ကိုင်ပြီးပြောနေတဲ့ အန်တီကြောင့် ကျွန်တော်တစ်ချက်ပြုးကာ ခေါင်းခါပြလိုက်သည်။ ပြီးမှ ခေါင်းကိုငုံ့ကာ...
"ကျွန်တော်လည်း Jin Hyung ရဲ့သွေးသားလေးကို လိုချင်ပါတယ်"
ကျွန်တော့်စကားအဆုံးမှာ အန်တီက နှစ်လိုဖွယ်ရာပြုံးသည်။ ဒီလိုမျိုးပြောရတာကို ရှက်မိတဲ့စိတ်ကြောင့် အောက်နှုတ်ခမ်းကို ခပ်ဖွဖွကိုက်ကာ လည်ပင်းကို လက်နဲ့ပွတ်တိုက်မိ၏။
"ဝင်ကြရအောင်"
အန်တီရဲ့ ခေါ်ဆောင်မှုနောက်မှာ ဆေးရုံထဲသို့ ဝင်လာခဲ့သည်။ အန်တီနဲ့ ဒေါက်တာတို့ စကားပြောနေကြတာမို့ အပြင်ဘက်မှာ ထိုင်စောင့်ရင်း ကိုယ့်ဗိုက်ကလေးပေါ်ကို လက်လေးတင်ကာ ပြုံးမိသည်။
ခုတော့ ဘာမှမရှိသေးပေမယ့် နောက်ကို ဒီထဲမှာ ပိစိလေးတစ်ယောက် ခိုဝင်လာနိုင်တော့မည်ဖြစ်သည်။ Jin Hyung လိုချင်တဲ့လက်ဆောင်တို ကျွန်တော်ဖန်တီးပေးနိုင်တော့မှာမို့ ပိုပျော်ရွှင်မိသည် ။ မနေ့က ကျွန်တော်ရှာကြည့်တော့ ယောင်္ကျားလေးကိုယ်ဝန်ဆောင်က မွေးတဲ့ကလေးတွေက ဉာဏ်ကောင်းကြသည်တဲ့လေ။
"လူနာ Min Yoongi~"
နာမည်ခေါ်သံကြားလို့ ခေါင်းထောင်ပြီးကြည့်တော့ လူလိုက်ရှာနေတဲ့ ဆရာမလေးက လက်ထဲကစာအုပ်ကိုပိုက်ကာ နှစ်လိုဖွယ်ပြုံးပြပြီး....
"ကျွန်မနောက်လိုက်ခဲ့ပေးပါ"
ဆရာမလေးခေါ်ဆိုမှုကြောင့် သူမရဲ့နောက်လိုက်သွားတော့ ဆေးစစ်မှုတွေအကုန်လုပ်ပေးသည်။ သွေးကအစ ပိုက်လိုက်ထုတ်တာကြောင့် နည်းနည်းတော့နာသည်။ ခဏနေတော့ ကုတင်ပေါ်လှဲခိုင်းကာ ဆေးတစ်မျိုးကို သွင်းပေးသည်။ သူတို့ပြောတာတော့ ဟော်မုန်းဆေးတဲ့။
YOU ARE READING
Without You (Completed)
同人小說မင်းမပါတဲ့ငါ့ဘဝက အသက်မဲ့လွန်းတယ် Yoon~ ကျွန်တော်က အကို့ရဲ့တောင်ပံတစ်စုံဖြစ်ပေးမှာပါ~ A YoonJin story by AchanN
