(Unicode)
ဆရာမလာသေးတဲ့အချိန်မို့ အခန်းထဲက ဆူညံသံတွေကို အံတုပြီး အိပ်ဖို့ရာကြိုးစားကြည့်သည်...။ မနေ့က တော်တော်လေးညနက်မှ အိပ်ပျော်ထားတာမို့ လူကအိပ်ချင်နေတဲ့အပြင် ညကျရင်လည်း အလုပ်သွားရဦးမည်လေ...။
"Yoongi Hyung ~~"
ခုံပေါ်ခေါင်းအုံးပြီး အိပ်ဖို့ရာပြင်နေတဲ့ ကျွန်တော့်ကို လှမ်းခေါ်သော Jiminnie ကြောင့် မေးဆတ်ပြလိုက်တော့ သူက ရယ်ပြကာ လက်ထဲက စာအုပ်ကိုထောင်ပြလာသည်...။
"ဒါလေးရှင်းပြစမ်းပါ Hyung... မနက်ဖြန် tutorial ဖြေရမှာတဲ့"
ဘေးနားက Tae ကပါ သနားခံနဲ့မျက်လုံးလေးနဲ့မို့.....
"လာပေး~~"
အခုတော့ အိပ်ဖို့လုပ်နေတဲ့ အစီအစဉ်ကိုဖျက်ပြီး သူတို့ကိုစာရှင်းပေးရပြန်သည်...။ စာရှင်းနေစဉ် မြည်လာသော ဖုန်းသံကြောင့် ကြည့်လိုက်တော့ ဒေါ်လေးဖြစ်နေ၏။
"ဟယ်လို~ဒေါ်လေး ဘာကိစ္စရှိလို့လဲ"
((သားရယ် ဒေါ်လေးဆီလာခဲ့ပေးလို့ရရင် လာခဲ့ပေးပါဦး... Yoonji လေး သားညီမလေး ဆေးရုံတင်ထားရတယ်... ဒေါ်လေးလည်း ဘာလုပ်ရမှန်းမသိလို့))
ဒေါ်လေးရဲ့အသံကြောင့် ကျွန်တော်ပူထူသွားသည်...။ ဆေးရုံဆင်းထားတာတောင် မကြာသေးတဲ့ကလေးက ဘာဖြစ်ပြန်တာလဲမသိဘူး...။
"ဟုတ်~~ဒေါ်လေး ကျွန်တော်အခုလာခဲ့မယ်သိလား စိတ်မပူနဲ့ ကျွန်တော်လာနေပြီ"
ဖုန်းချပြီး ပစ္စည်းတွေကောက်သိမ်းနေတဲ့ ကျွန်တော့်ကို Tae တို့က လက်ဆွဲပြီး မေးလာသည်...။
"Hyung ဘာဖြစ်လို့လဲ "
ခေါင်းခါပြပြီး အပြင်ထွက်မလို့လုပ်တော့ သူတို့က အတင်းမေးလာပြန်တယ်...။
"ဘာဖြစ်လို့လဲ"
"Yoonji~~Yoonji လေးက ဆေးရုံမှာတဲ့ Tae"
"အဲ့ဒါဆို ခဏလေးစောင့်... ကျွန်တော်တို့ပါ လိုက်ခဲ့မယ်"
ဆေးရုံကို Jiminnie တို့ပါလိုက်လာပေးခဲ့သည်...။
~~~~~~~
"အစ်မကြီး Han ~ဘာကိစ္စလဲ"
"ဆေးရုံဝရောက်နေပြီ~"
YOU ARE READING
Without You (Completed)
Fanfictionမင်းမပါတဲ့ငါ့ဘဝက အသက်မဲ့လွန်းတယ် Yoon~ ကျွန်တော်က အကို့ရဲ့တောင်ပံတစ်စုံဖြစ်ပေးမှာပါ~ A YoonJin story by AchanN