Boyfriends Season 1 | Heartful Academy 2

Chapter 21

CHRISTIAN LAKE

THIS is the night. The night people of Hearts City waiting for. The City Sports Tournament. Ang isa sa pinakamalaking event na ginaganap bawat taon sa Hearts City. Galing pa sa malalayong city ang ilang teams na representatives sumali dito.

Merong katabing city lang. Pero mas maraming galing pa sa iba't ibang panig ng Philippines. Stepping stone kasi itong City Sports Tournament para sa opportunity sa maging representative ng bansa sa international tournament, kaya naman grab the opportunity agad ang lahat ng city.

Naging traditional na 'ata na dito sa Hearts City ginaganap ang City Sports Tournament. At walang ibang place na babagay para malaking event na 'to kundi ang City Field lang.

Ito kasi ang pumapangalawa sa malaking institution na itinayo ng Hearts City Government, nangunguna diyan ang Heartful Academy, pero dahil nga paaralan 'yon hindi pwede ang ganito kadaming tao na dadalo.

Karamihan din sa mga audience dito ay mga students ng iba't ibang school and universaties na nagsusuporta sa representative nilang athletes. Syempre hindi magpatalo ang HA na may pinakaraming students ang dumalo.

At umaasa ako na nandito ang mga kaibigan ko. Kahit masulyapan ko lang sila sa audience set okay na ako, kahit hindi na nila ako i-cheer basta makita ko lang sila.

Magkasama kaming lahat ng Bravo Team pati si Coach Oscar dito sa dressing room at naghihintay na tawagin ang team namin. Nakaupo kami sa mga kanya-kanya naming upuan at halos lahat kami dito ay tahimik, nakayuko ang ulo, at ang ilan ay nagdadasal pa.

Magkatabi kami ni Kit at naramdaman ko pang lumingon siya sa 'kin kaya nilingon ko din siya at dahan-dahan kaming ngumiti sa isa't isa.

Napalingon kami sa likod nang marinig ang biglang pagbukas ng pinto at hindi ko mapaliwanag ang saya nang makita ko ang mga kaibigan kong Jason at Hweb. Agad akong lumapit at dali-daling tumakbo palapit sa kanila at agad ko silang niyakap.

"I'm glad na nandito kayo...akala ko talaga hindi kayo pupunta dahil nagtatampo kayo sa 'kin..." napapangiti ako. "Gago, practice lang namin 'yon at kumagat ka naman..." sabi ni Jason mahina silang nagtawanan na parang gaya lang ng dati na nagkakasundo silang asarin ako.

"Sige kailangan na naming umalis dahil ilang minuto lang kami pinayagan makapasok dito." Tugon ni Hweb at nagyakapan ulit kami bago sila umalis.

"Let's call out the team from Heartful Academy Football Community! The Bravo Team!"

Nang tawagin na ang team ay agad kaming tumayo at nagtipon-tipon kami sa gitna habang nakahawak kami sa likod ng bawat isa. "Team, let's show them our best!" Tugon ni Coach. "Let's go Bravo Team!" Sabay-sabay naming sigaw.

Habang naglalakad kami ngayon palabas ng dressing room ay wala akong kaba na naramdaman instead masaya ako, dahil na-achieved ko ang pagiging athlete ngayon. Hindi ko akalaing aabot ako dito na makakasama ako sa team na napili ng HA maglaro sa tournament.

Pagkarating namin sa field ng staduim ay sinalubong kami ng malakas na palakpakan ng mga audience. Napapangiti ako habang pinagmamasdan ko ang mga taong grabe ang hiyawan habang abot tenga ang ngiti. Nakita ko rin ang napakaraming HA students na itinataas pa ang cheer signs nila na may nakasulat "Let's go Bravo!"

Nakapwesto na kami lahat ng players dito sa field. Habang tinitignan ko ang mga kalaban ay mukhang hindi rin magpapatalo ang mga ito. Sila ang Eagle Team na mula pa sa katabing city ng Hearts City.