(Uni)
မနက်မိုးလင်းတော့ သူမအစောကြီးနိုးနေခဲ့သည်။မနေ့ညက ရှိန်းအခန်းထဲကနေသူမပြေးထွက်လာ၍ သူမအခန်းထဲသို့၀င်ပြီး တစ်ညလုံးငိုနေခဲ့သည်။သူမတစ်၀ကြီးငိုလိုက်ပြီး မှတစ်၀ကြီးအိပ်ပစ်လိုက်သည်။ဒါပေမယ့် သူမမနေ့ညကငိုထားသည်ကြောင့် သူမမျက်လုံးကမို့အစ်နေသည်။သူမရေချိုးခန်းထဲအမြန်၀င်ပြီး သွားအမြန်တိုက်ပြီး မျက်နှာသစ်လိုက်သည်။သူမနေကောင်းသွားပြီးမို့ သင်တန်းပြန်တက်ရမည်ဖြစ်သည်။သူမအမြန်ပြင်ဆင်ပြီး အောက်ထပ်သို့ဆင်းလာလိုက်သည်။သူမအောက်ထပ်ကိုဆင်းလာလိုက်တော့ ကော်ဖီဝိုင်းထဲမှာ အဖေရယ် အမေရယ် ရှိန်း ရယ် ကော်ဖီသောက်နေသည်။သူမသူတို့ကိုမျက်နှာလွှဲပြီး အိမ်ပေါက်၀သို့ထွက်ရန်ပြင်လိုက်စဉ် ...
"လရိပ်"
ထိုခေါ်သံကြောင့် သူမထွက်ဖို့ခြေလှမ်းတွေကိုရပ်လိုက်ပြီးနောက်လှည့်ကြည့်လိုက်သည်။ရှိန်းကသူမကိုခေါ်ပြီး သူမဆီကိုလျှောက်လာနေသည်။
"ဘာလဲ"
သူမရှိန်းကိုအပြုံးအရယ်မရှိတဲ့ မျက်နှာနဲ့မေးလိုက်သည်။
"လရိပ် နင်သင်တန်းသွားမလို့လား ငါလိုက်ပို့ပေးမယ်"
သူမသည်ရှိန်းကိုမျက်မှောင်ကြုံ့လျက်ကြည့်ပြီးပြန်ပြောလိုက်သည်။
"မလိုဘူး ငါ့ဟာငါသွားမယ် နင်လိုက်ပို့စရာမလိုဘူး ရှိန်းသမ္ဘာ"
သူမထိုသို့ရှိန်းကိုအပြတ်ပြောပြီးထွက်သွားဖို့ပြင်လိုက်စဉ် ရှိန်းက သူမလက်ကိုဆွဲလိုက်သည်။သူမလက်ကိုရုတ်တရတ်ဆွဲထားတဲ့ ရှိန်းက်ုသူမမချိုမချဉ် ကြည့်လိုက်မိသည်။
"လရိပ် နင်ငါ့ကိုညက ကိစ္စအတွက်စိတ်ဆိုးနေတာလား"
"ငါ့လက်ကိုလွှတ် ရှိန်းသမ္ဘာ "
"မလွှတ်ဘူး လရိပ် "
"အခုချက်ချင်းလွှတ် မဟုတ်ရင် ငါ့အဆိုးမဆိုနဲ့"
"ဟင်"
လရိပ်ကသူ့ကိုနာကျည်းသောမျက်လုံးနဲ့သူ့ကိုပြောလိုက်သည်။လရိပ်က သူ့ကိုအရမ်းနာကျည်းသွားပြီးလား ။လရိပ်ပုံစံက သူ့ကိုအရမ်းမုန်းပြီး နာကျည်းနေတဲ့ပုံပင်။သူလရိပ်လက်ကိုအမြန်လွှတ်ပေးလိုက်ရသည်။မဟုတ်ရင် လရိပ်သူ့ကိုကြည့်နေတဲ့ မီးလိုအကြည့်တွေကြောင့် သူအရည်ပျော်သွားနိုင်သည်။လရိပ်ကသူလက်အမြန်လွှတ်ပေးလိုက်သည်နှင့် အပြင်သို့အမြန်ဆုံးထွက်သွားလိုက်သည်။သူကအဲ့နေရာမှာ လရိပ်နောက်ကျောကိုကြည့်ပြီးကျန်ခဲ့သည်။
YOU ARE READING
ကျွန်တော်ပိုင်သော သူမ (Completed)
Fantasyကိုယ့်အဖေရဲ့မယားပါသမီးကို ငယ်စဉ်ကတည်းက ချစ်မိနေတဲ့PlayBoyနဲ့ အချစ်စစ်ကိုရှာဖွေနေတဲ့ကောင်မလေးတို့ရဲ့ဇာတ်လမ်း။ စိတ်ကူးယဉ်သက်သက်သာဖြစ်ပါသည်။ သတိပေးချက်-Warning🔞
