ဒီနေ့ဟာ ပင်ပန်းနေတဲ့စိတ်တွေ ပေါ့ပါးသွားတဲ့နေ့တစ်နေ့ပါပဲ။
ဘာကြောင့်လဲဆိုတော့ သူသိပ်ကြိုက်ရပီး နှစ်ချီကာ စိတ်နှစ်ရေးခြစ်ထားသော ''Jeon''ဆိုတဲ့ ပန်းချီကားတစ်ချပ် ရောင်းထွက်သွားခဲ့သည်။
''Jeon''မှာ ငယ်ရွယ်ခြင်းအတိတ်တွေပါဝင်သည်။
''Jeon''မှာ လွမ်းဆွေးခြင်းအငွေ့အသက်တစ်ချို့ပါသည်။
''Jeon''မှာ ချစ်ခြင်းတရားလှလှလေးတွေပါသည်။
''Jeon''ဆိုတဲ့အမျိူးသားအပေါ် စိတ်ရောက်ခဲ့သလိုမျိူး "Jeon"ဆိုတဲ့ ပန်းချီကားငယ်အားလည်း သူလုံးဝနစ်မျောက ရေးခြစ်ခဲ့သည်။
အနှစ်နှစ်အလလ ငေးကြည့်ခဲ့ရတဲ့ မျက်ဝန်းတစ်စုံအား အနှစ်နှစ်အလလ သိပ်ကြိုက်ခဲ့တဲ့ ကော်ဖီလေးတစ်ခွက်နဲ့ရိုးရိုးလေးရေးဆွဲခဲ့ခြင်းတွေမှာ အတ္တမဆန်တော့သော မေတ္တာလှလှလေးသာပါဝင်နေခဲ့သည်။
သူ့ပယောဂမကင်းစွာ"Jeon''ဟာ အကျဥ်းကျနေချိန် သူလည်း အခန်းကျဥ်းလေးထဲမှ မထွက်ခဲ့တဲ့ရက်တွေ။မက်မောရပါသော မျက်ဝန်းတွေအား ပြန်မြင်ချင်ရုံလေးသာ ပိတ်ကားထပ် ထင်ဟပ်စေခဲ့ရုံ။
ကော်ဖီတွေသောက်ရင်း "Jeon''ကိုဆေးခြယ်ရင်းဖြင့် Taeဘဝဟာ အမှောင်ထဲမှာ နေသားကျနေခဲ့တာပါ။
သိပ်လွမ်းမိတယ်ကောင်ငယ်လေးရယ်။
ငယ်ငယ်လေးထဲက ကြိတ်ချစ် ကြိတ်လွမ်းခဲ့ရတဲ့ကောင်လေးကို အဆိုးဝါးဆုံးမြင်ခဲ့ရတဲ့နေ့က ''သြော် ငါ့အတ္တတွေက ငါ့အချစ်အပေါ်ပဲ သက်ရောက်စေပါလား''ဆိူတဲ့ အတွေးလေးဝင်ကာ စိတ်မလုံခဲ့ရတဲ့နေ့တွေ။
စိတ်နာခဲ့လို့မဟုတ်ရပါပဲ တလောကလုံးနှင့်ရင်မဆိုင်ရဲ၍ ကမ္ဘာအပြင်ဘက်ခြမ်းထိထွက်သွားရအောင်လည်းသတ္တိကမရှိနေသောကြောင့် New York ဆိုတဲ့ မြို့ကြီးပြကြီးကို ပိုင်ဆိုင်သမျှအကုန်ပုံအောကာရောက်လာခဲ့သည်။
ကံကောင်းခဲ့တာလား ကံဆိုးခဲ့တာလား မကွဲပြားသော အခြေနေမှာ သူဟာ သန်းခေါင်ယံကြီး နှင်းဖွဲဖွဲရွာကျနေတဲ့ လူသွားလမ်းမကြီးပေါ်တစ်ယောက်ထဲ။
