Untold Story of the Last Witch Huntress

Untold Fifty-three: The Clash of Magics

Halos liparin ko na ang daan palabas sa mahabang pasilyong kinaroroonan namin ngayon. Kung hindi ko lang kasama sila Vanessa, tiyak kong kanina pa ako nakalabas dito!

"Don't worry about us, Zaila! Mauna ka na!" rinig kong sambit ni Vanessa sa tabi ko. "Nasa main gate ngayon ng Royal Capital ang mga kakapatid na Asteria. Doon ka dumeretso. Tutungo naman kami sa west part ng royal palace. Nandoon ang ibang witch na kasama natin mula sa Sanctuary," imporma nito sa akin na siyang mabilis na ikinatango ko sa kanya.

"Mag-iingat kayo, Vanessa," seryosong saad ko sa kanya. "Just call me when you need my help."

"We'll be fine, Zai. Ituon mo na lamang ang buong atensiyon mo sa laban mo. For sure, Merlin and Donovan are already here. Focus on them and end this war."

"I will," wika ko at muling tinanguhan ito. Binalingan ko ang iba pa naming kasama at noong nagsitanguhan na rin ang mga ito sa akin, hindi na ako nagdalawang-isip pang gamitin ang wind magic ko. Pinalibutan ko ng wind energy ang buong katawan at mabilis na lumipad palayo sa mga kasama.

Malaki ang tiwala ko kay Vanessa at sa mga kasama naming witches mula Sanctuary. They trained with me during our years living in that world. Alam kong kaya nilang makipaglaban at protektahan ang mga sarili nila sa mga miyembro ng Coven.

Humugot ako ng isang malalim na hininga at mariing itinuon na lamang ang paningin sa unahan.

Focus, Zaila. Dapat ay sa kung anong maabutan ko sa main gate ng Royal Capital ang pagtutuonan ko ng atensiyon ngayon. I need to stay focus here. Dapat ay hindi na maulit sa amin ang nangyari noon. This time, we'll make sure to end this war against the Coven.

Mas binilisan ko ang paglipad. Noong tuluyan na akong nakalabas sa palasyo, agad akong lumipad paitaas. Mas binilisan ko pa ang pagkilos at noong nasa tamang taas na ako, tumigil na ako at mabilis na tiningnan ang nangyayari sa buong Royal Capital ng Utopia.

Sa apat na bahagi ng Royal Capital ay nagkakagulo na. Doon nanggagaling ang mga pagsabog na naririnig namin kanina sa silid. Wala sa sarili naman akong napatingin sa west past ng Royal Capital at namataan ang mga witch na kilala ko. They're fighting right now. May iilang miyembro ng Coven doon at kung hindi ako nagkakamali, mababa lamang ang mga lebel nito.

"Mukhang nasa main gate ang mga malalakas na miyembro nila," mahina usal ko at bumaling sa main gate ng Royal Capital. At kagaya nang inaasahan, nandoon ang tatlong magkakapatid na Asteria. Asher, Kristopher and Reagan. Nakikipagpalitan na sila ng mga atake sa ibang miyembro ng Coven at noong may napansin akong kakaiba enerhiya sa unahang bahagi ng main gate, ipinilig ko ang ulo pakanan. Kunot-noo ko itong tinignan at noong mapagtanto ko kung ano iyong kakaibang enerhiyang napansin kanina, hindi na ako nagdalawang-isip pa. Mabilis kong ikinumpas ang kamay at gumawa ng barrier sa pagitan ng mga Asteria at sa mga kalabang miyembro ng Coven.

Isang malakas na pagsabog ang yumanig muli sa buong Royal Capital. It was caused by the impact of the dark energy I saw earlier and my barrier I created to protect the Asteria brothers. Minuto lang tinagal nito at noong humupa na ang pagyanig, dali-dali akong lumipad patungo sa kinatatayuan ng magkakapatid.

Hindi pa nakakalapat ang mga paa ko sa lupa noong bumaling sa akin sila Reagan. Seryosong tumitig ang mga ito sa gawi ko at noong tuluyan na akong nakatapak sa lupa, bumaling ako sa barrier na gawa ko kanina.

"Once I dispel this barrier, paniguradong aatake na naman sila," matamang wika ko at tiningnan muli ang tatlo. "One of them uses dark magic. Kayo ang magdesisyon kung sino ang lalaban sa kanya."

"We'll take him," ani Asher at naglakad palapit sa akin. May inabot itong dalawang silver weapon sa akin kaya naman ay napangiti ako. "Use this. Ginawa ko talaga iyan para sa pagbabalik mo, Zaila."