Untold Story of the Last Witch Huntress

Untold Fifty-seven: The End Of An Era

May ideya ako kung ano ang pinag-uusapan ngayon ni Reagan at Merlin ngunit paanong nangyari iyon?

Reagan... he's the Crown Prince of Utopia. Anak ito ng kasalukuyang hari ng mundong ito. He will be the next king of this world! Kaya naman... paanong nangyaring magkadugo ang dalawang ito?

"Reagan" malakas na sigaw ko sa pangalan nito noong muling umatake si Reagan kay Merlin.

Masyadong nadadaig ng sariling emosyon nito si Reagan. He's acting weird and now, halos lahat ng atakeng ginawa niya ay naiwasan nang sugatang kalaban nito! Merlin can still fight. Kahit na halos i-drain na ni Reagan ang kapangyarihang mayroon sa katawan nito, still, he's Merlin. Paniguradong may kayang gawin pa rin ito na siyang magpapabaliktad ng sitwasyong mayroon kami ngayon!

Napailing na lamang ako at wala sa sariling napamura sa isipan. Napatingin ako sa sugat ko at noong makitang hindi gumagawa ang healing magic ko sa sugat na natamo, napangiwi na lamang ko.

"I'm just wasting my healing magic here. Damn it," mahinang bulalas ko at tumayo na. Humugot ako ng isang malalim na hininga at marahang ikinumpas ang kamay na nakahawak sa sugat ko. Gamit ang sariling itim na kapangyarihan, sinubukan kong kontrahin ang epekto ng kapangyarihan ni Merlin sa katawan ko.

Ilang segundo ang lumipas noong unti-unting nawawala ang sakit sa sugat na dulot ng atakeng ginawa ni Merlin kanina. Napalunok na lamang at umayos nang pagkakatayo.

I'll just need to endure it. Alam ko ang magiging negatibong epekto ng ginagawa ko sa katawan ngayon ngunit hanggang sa buhay pa itong si Merlin, susugal ako. If we managed to defeat this monster, then, I don't care what will happen to me next. Mas mahalagang matapos namin ang labang ito ngayon. Sa kahit anong paraan pa... at sa kahit anong sakripisyo pa ang gawin namin ngayon.

Hindi na ako nag-aksaya pa ng oras. Mataman kong tiningnan si Merlin na pilit na iniiwasan ang mga agresibong atake ni Reagan Asteria. Napakagat na lamang ako ng pang-ibabang labi at mabilis na ikinumpas ang magkabilang kamay. Agad akong gumawa ng panibagong barrier na siyang nagpatigil kay Merlin sa pagkilos. Napabaling ito sa akin kaya naman ay napataas ang kilay ko sa kanya. At sa muling pagkumpas ko ng mga kamay, tuluyan nang na-trap si Merlin. Ngayon ay kaunti na lamang ang espasyong gagalawan nito. He can't run away and escape anymore from Reagan.

Napahugot na lamang ako ng isang malalim na hininga at mas pinalakas ang barrier na nakapalibot sa dalawa. Umayos ako nang pagkakatayo at matamang tiningnan ang bawat kilos nila Reagan at Merlin sa loob ng barrier na ginawa ko.

Mayamaya lang ay napakunot ang noo ko noong mamataang ngumisi si Merlin. Ipinilig ko ang ulo pakanan at noong kumilos ito at itinaas ang isang kamay, napaawang ang labi ko. Kusang bumagsak naman ang katawan ko sa lupa noong makaramdaman ng matinding sakit sa may tiyan ko. Napapikit ako at mariing kinagat ang pang-ibabang labi.

What the hell?

Anong nangyayari sa akin?

"Zaila!" rinig kong sigaw ni Reagan kaya naman ay napabaling muli ako sa kanya. Mabilis namang nagtagpo ang paningin naming dalawa at noong mapansin tila nahihirapan din ito sa kinatatayuan niya ay mabilis akong napatingin sa kinatatayuan ni Merlin.

Segundo lang ay napaawang ang labi ko noong makita ang kalagayan nito.

He... He attacked himself! Gamit ang sariling itim na espada, itinarak nito ang sariling sandata sa may tiyan niya!

Napakurap ako at wala sa sariling napatingin sa tiyan ko kung saan ko nararamdaman ngayon ang matinding sakit. I'm a hundred percent sure na hindi nanggagaling sa naunang sugat na natamo ang nararamdamang matinding sakit ngayon! Damn it! Huwag mong sabihin naapektuhan ako sa kung anong ginagawa ngayon ni Merlin sa katawan niya?