Untold Story of the Last Witch Huntress

Untold Fifty-four: The Magic Within

Kahit malayo pa ako sa puwesto nila Reagan ay ramdam na ramdam ko na ang tensiyon na bumabalot sa kanila. Mariin kong hinawakan ang handle ng silver weapon ko at mas binilisan ang paglipad.

Napahugot na lamang ako ng isang malalim na hininga noong tuluyan na akong nakalapit sa kanila. Maingat kong itinapak ang mga paa sa lupa at tumayo sa tabi ni Reagan Asteria. Tahimik kong pinakiramdaman ang paligid at napakagat na lamang ng pang-ibabang labi ko noong nararamdaman ko pa rin ang presensiya nila Asher at Kristopher sa paligid! Damn! Hindi pa sila nakakapasok sa royal palace! Hindi pa ba sila tapos sa laban nila? Isang dark magic user witch lang naman ang namataan ko kanina sa bukana ng gubat, ah!

"Zaila Amethyst," ani Merlin sa pangalan ko at ngumisi sa harapan namin ni Reagan. "What took you so long? Talagang hinintay mo pa ang isang daang taon bago bumalik dito sa Utopia."

Mas hinigpitan ko ang hawak sa silver weapon ko. "I was looking for the blood moon, that's why," sambit ko na siyang ikinataas ng isang kilay nito. Umayos naman nang pagkakatayo si Donovan sa tabi nito at masamang tiningnan ako.

"So, nalaman mo rin pala ang tungkol sa ancient weapon na iyon." I heard him chuckled. "Tell me, Zaila Amethyst, nakita mo ba ang hinahanap mo?"

Umiling ako at nginitian ito. "No but... I've gained something else." Makahulugang sambit ko na siyang tuluyang ikinatawa na ni Merlin.

"You've wasted your time looking for that weapon, Zaila. Mukhang walang nagbago sa'yo. Mahina ka pa rin. Hindi mo nagamit ang kapangyarihang nakuha mo sa akin para mahanap ang ancient weapon na iyon!" He laughed again.

Napailing muli ako at sinabayan ang pagtawa ni Merlin. Mayamaya lang ay mabilis kong kinuha ang baril na dala-dala ko mula sa Sanctuary at agad na pinuntirya ang dalawang evil witch sa harapan ko. Mukhang hindi nila inaasahan ang dala kong sandata kaya naman ay huli na noong nakakilos sila sa kinatatayuan nila. Nakalabit ko na ang gatilyo at pinatamaan ang braso ng dalawa.

"Oh, sorry I forgot to inform you," matamang sambit ko at ipinilig ang ulo pakanan. "I use guns now. Hindi na ako umaasa na lamang sa silver weapon ko. After all, hindi na ako isang huntress."

"Who gave you that weapon?" mariing tanong ni Donovan sa akin habang nakahawak sa braso nitong duguan na ngayon. Umayos ito nang pagkakatayo at masamang tiningnan ako.

Nagkibit-balikat ako sa kanya. "Who knows? Maybe one of the Vampire Emperors?" I smirked then aimed my gun again towards them.

Sa pagkakataong ito, mabilis na kumilos ang dalawa. Nawala sila sa paningin ko kaya naman ay naging alerto ako sa paligid namin.

"What the hell happened to you, huh, Zaila?" rinig kong tanong ni Reagan sa akin. "Sa loob ng isang daang taon, anong nangyari sa'yo sa Sanctuary?" pahabol na tanong pa nito.

Umiling ako sa kanya habang hinahanap ang presensiya ng dalawang evil witch sa paligid. I activated all my senses and tried my best to locate their location. "I just lived and tried to survive, Reagan. That's what happened to me," mariing wika ko at mabilis na ikinalabit ang gatilyo ng baril noong mahanap ko na ang tamang lokasyon kung nasaan si Merlin. "I'll deal with Merlin. Ikaw na ang bahala kay Donovan," sambit ko pa sa kanya at mabilis na tumakbo patungo kung saan naroon si Merlin.

Hindi ko na muling binalingan pa si Reagan. Alam kong maayos na ang lagay nito kaya naman ay panatag akong magiging maayos din ang laban niya kay Donovan. Itinuon ko na lamang ang atensiyon kay Merlin at noong muling namataan ko ito, agad kong itinutok sa kanya ang hawak na baril. Sa muling pagkalabit ko ng gatilyo, panibagong enerhiya ang pinakawalan ko. Napailing na lamang ako at pinagpatuloy ang pagtakbo.

This gun is not just an ordinary gun that kills different creatures. Binalaan na ako noon ni Kaiser sa paggamit nito at alam ko rin ang magiging epekto nito sa katawan ko. This gun... it absorbs magic. Sa bawat balang pinapakawalan nito, isang malakas na enerhiya ang nawawala sa akin. At kapag tumama iyon sa target ko, dalawa lamang ang magiging resulta. It's either the target's dead or... the energy that the gun consumed from the user was not enough to end someone's life.