The Mafia Boss: Terrence Jude Alvarez (COMPLETED)

Chapter 43

ITINIGIL ko ang kotse ko sa gilid. Para labasin ang taong nasa unahan ko.

"Tama nga ako. Ikaw iyong nakita ko."

Tumaas ang kilay ko. Dahil sa sinabi nito.

"Ano bang pinagpuputok ng butse mo, Danica?"

"Nasaan si Terrence?" tanong nito sa akin. Galit na galit niya akong tignan.

"Hindi ako hanapan ng nawawala," asik ko dito .

Ngumisi ito. "Alam ko namang nasa iyo si Terrence, kaya ilabas mo."

Tumawa ako. "Nagpapatawa ka ba. Bakit ko naman itatago ang ex-husband ko? Di ba sabi mo kay Terrence na sumama ako sa ibang lalaki? Bakit siya pupunta sa akin," sabi ko dito.

Bigla itong tumahimik. "I saw you on my engagement party!" galit niyang sambit.

"Ano naman ang gagawin ko doon?"

"Malay ko ba kung si Terrence ang punterya mo. Malay ko ba kung aagawin mo si Terrence sa akin."

Ngumisi ako. "Ako?" turo ko sa sarili ko. "Mang-aagaw? Kailan pa? Sa loob ng mga taon na hiwalay na kami ni Terrence, ni minsan ay hindi sumagi sa isip ko ang balikan siya."

Isang kotse ang dumating at lumabas doon ang isang lalaki.

"Ayeisha!" tawag nito sa akin.

Ngumiti ako. "Hi,"

"What are you doing here, akala ko nasa aboard ka? Pupuntahan pa naman sana kita," malambing nitong sambit.

Ngumiti ako. "Namiss ko kasi si Kuya Liam. Akala ko nandito siya."

"Halika na, may dinner date tayo di ba," ngiting sambit nito.

Nilingon ko si Danica. "Bye, aalis na kami ng ka date ko. Mabuti at sinundo niya ako."

Sumakay na ako sa kotse ko at gayon din siya. Naka convoy sa akin si Earl. Tumunog ang cellphone ko.

"Hello," sagot ko.

"Sumusunod siya sa atin."

Tinignan ko ang rear mirror. Nakasunod nga si Danica sa amin.

"Hindi ako pwedeng umuwi sa penthouse. Baka nandoon pa si Terrence."

"Sige, sa condo ka muna."

Nagpatuloy ang byahe namin ni Earl. Nanatiling nakasunod sa amin si Danica. Akala niya siguro mahuhuli niya kami ni Terrence. Pwes, nagkamali siya.

Isang condo ang pinaghintuan ko ng kotse ko. Condo iyon ni Earl. Agad na sumunod sa akin si Earl sa pag parking. Napatingin ako sa gilid ng mata ko ng makita ko ang kotse ni Danica.

'Mamatay ka sa inggit. Hindi mo makikita si Terrence sa condo na ito.'

"Hindi ba umuwi si Terrence sa babaeng iyon."

"Hindi, palipat-lipat si Terrence. Dahil ayaw niyang masundan siya ng kalaban."

"Kaya pala sobrang paranoid."

Pumasok na ako sa condo ni Earl. Pagpasok ko palang ay sumalubong na sa akin si Nanay Celya.

"Nay, kumusta."

"Okay lang."

"Inaalagaan ka ba ni Earl?" tanong ko sa matanda.

"Oo naman."

"Papaanong hindi ko aalagaan iyan, nanay ko iyan."

"Nagtatanong lang."

Bumukas ang pinto ng kwarto ni Earl. Lumabas doon ang lalaki na kanina pa hinahanap ni Earl.