القربان / الجزء الأول
كعدت بلكاع ..وتجيت راسي ع الحايط ..
وعدلت ايدي ..المصوبه ..
كتله اخوي عبوسي ..
بقيهن الطلقات ..لا كلهن ..تخلصهن ..
اندار عليه ..ليش ..جا مداشوفوهم ..جاي يتقدمون علينه ..
كتلة ..بقى اثنين منهم .خاف يطبونه ..انه اكتل روحي
ومااسلم نفسي لهذول الدواعش ..ويمثلون بجثتي
اندار عليه ..ورفع الكاسكته من راسه ..
وكعد بلكاع ..
هسة يجون ..ربعنه ..لاتخاف
لا تحسب ..
ضحكت ولك منو يخاف ..انه ..انه الاوي الموت ..
بس مااوكع اسير .وامي شوف ذبحتي .انطيني
كال قصي ..انت بطل ..مو انت الي تكول هيج ..انت امرنه
اسكت مثل مجاي اكلك ..بقي الي اثنين ..
رد شال السلاح ..
ووجهه...برة ..ويتكنص ..
عباسسسس..سمعتني شكلت الك ..
ابو شيبة
هزيت اله راسي ..اي فضني يمعود ..
هاي النهايه ..
لا ع بختك ..هسة يجون ربعنه ..
وينادي ..
ولك ..من الفجر ليهسه انادي وينهم ..
ربعنه كلها ماتت فد انه وياك بقينه ..
مداشوف بعينك ..كلهم راحو فد انه وانت بقيت ..
اشمرلي طلقه ..
اشمررر..
كال انت تخبلت اكيد ..
وشمر الي ..وحدة ..
وكلتها للسلاح وخليته ع صدري ..
اني قصي.ملقب ابو شيبة ..عمري 28سنه ..خريج اعداديه صناعه .عندي شيبه بكذلتي ..من الصغر لليوم
جنت اشتغل ..وي صاحبي ..بمحل ..ادوات احتياطيه
اطوعت للحشد الشعبي ...
قبل الفتوى ...
طوعت ..بسوريا ..وحاربت هناك ..
مدة ستين يوم شهرين ..
وخضت هوايه معارك ..وجنت دائما اطلع منها ..فائز ..
ويمكن حانت ساعه النهايه ..
جريت الباكيت ..وورثت جكارة ..
وبصفي بطل المي ..اخذته شويه بليت ريكي ..بس
بطل الي يشرب منه ..جان اشبهه ..بزقوم ..من الحرارة ..
بديت ..احس بتعب ..
اعبيس ..
ها خويى
تذكر اول يوم شفتك ..
ضحك وكعد يمي ...ي شذكرك بيها..
لان خبلتني الطريق كله تسأل ..
اه ..اني ..
لا امي ...
جا دولاب وطاح علي بسوالفك ..
اول يوم شفت عباس هوة صديقي حيل ..
جنه متجهين لسوريا اول مرة ..
صعد ويانه ع الطريق ..
واجه كعد يمي ...
السيارة بيها اشكل ومن كل مكان والمحافظات .
اكو حجي ويانه ...واكو واحد كلش سمين ..
عباس كال ..
الله يساعدك ..
هلا بيك ..
اني اخوك عباس من البصرة ..
ع راسي ..واني قصي من بغداد بس اصلي من الناصرية
ونعم منك ..
ومنك ..ودرت وجهي ماعرف الدرب وين يصفى بينه ..
دغني ..قصي ..
نعم ..
وين امشين احنه ..
صفنت عليه ..
كتله انت وين تكول ..
كال للسيدة انجاهد ..
اي ..
جا شكولكم مو مال جهاد ..
ضحكت هاي شلك بيها ..
عليك الله وين نروح ..
عمي لسوريا ..
اه ..لا ماصدك ..
طفر روحي ..وين وين ..
كتله ..عدنه لعبه ..
اه صديك ..
اي ...
ويامن ..
وي الريال ..
بربك ..
شعبالك ..
صفن ..كال وهذا العجيز شنو ..
كتله هذا المدرب ..
وهذا الدبي ..ابو ثرب ..
هذا الحكم ..
عليك الله ..
عمي انت ليش مجاي صدك ..
وكمت من يمه ..طكك روحي وهاي اول مرة اتعرف بيها ع عباس صاحبي ..
........
عباس كال بس مالعبنه طوبه وي الريال
لعبنها وي داعش
اييييي وبعدنه نلعب .
من الحر ...كوة افتح عيوني ..وتعبان ..ومداعرف شراح يصير
