ايقونه في ميزان القاضي

البارت 13

ايقونه في ميزان القاضي ..

رجعنا منين ماجبتنا الايام ...

(((((سعاد: )))**

عفتهم ودخلت لغرفتي من بعد الصار حسيت بكل كلمة كالتها دلال حقها زوجها وتغار عليه تخاف لا بطيطه تشاركها بي ودلال من النوع الي يهمها شكلها امام الناس وتحب تتباها  زوجة ابو الحكم الي كل بنات عمامي رادنه وهو اخذ دلال بت خالي لخاطر امي لان  كالت انتم بس اثنين واجيب غريبه ...

((((بطيطه)))

دلال وبناتها مرهم الي مو طبيعي .

ضحى:بابا والله تعبنا يعني ماالنه خاطر عندك ترى حتى احنى مامتقبلين وجودها ....

ابو الحكم:ليش شمسويتلكم  بشنو اذتكم هيج مابيكم رحمه امنين اتعلمتو كل  هاي القسوة يعني اذ مااجو اهلها وصارت من نصيب اي شخص من البيت شلون .

ضحى:بابا اذ خيرناك بينا وبينها شتكول .

ابو الحكم:اكيد اختاركم بابا بس موضوعها مو بيدي.

==:صعدت ضحى وهيه تبجي وسعاد بعد ماطلعت من غرفتها دلال كاعده على الدرج وتهدد...

الحجيه:انه اروح اكعد وياها بالشقه بين ماعدنان يشوف عمتها اذ كالت مااكدر اخذها ازوجها حتى نطلع من خطيتها...

ابو الحكم:ماتعوفين بيتج حجيه ...

دلال:عمه حتى اذ اخذتيها للشقه اني ما ابقى بعد مدام هيه على ذمته ايطلكها اختار لو هيه لو اني وبناتك ..

أبو الحكم :كلتي مااريدها وبعدتها عنج وظلمتها بالشقه وحملتيني ذنبها طفله وحدها ليل نهار وباب مقفول عليها مابيدها حيله وساكته مجبورة ومتحمله الخوف كلتي اغار واهلي يسمعوني حجي جيبها هنا ورجعتها اشتردين فهميني مو كرهت الجيه للبيت انه حتى  اذ بطيطه بقت هنا لو رجعت لاهله هم راح ابقى بالشقه مليت كافي كل عقلج أتمشين احجايتج عليه انتي وابوج...

دلال:براحتك اني مالي ضله بعد اروح لاهلي ماافرض عليك ولاعلى عمتي بيتها وهيه حرة بي اني اطلع ...

الحجيه:هذا مربط الفرس يادلال لاتاخذين بطيطه حجه  مااقبل يطلكها علما استرها عد رجال يحميها.

==:صعدت دلال كامت الحجيه وجرتني وياها تبعنا هو للغرفه ..

الحجيه :ها خير انريد انام روح لبيتك...

==:كعد وهو مبتسم..

أبو الحكم:افا حجيه اطرديني هيج صارت والله حقها سعاد من كالت بطيطه اخذت المعزة كلها ..

الحجيه:روح لبيتك يمه وين طاردتك بالشارع ..

أبو الحكم :انام هنا اليوم ..

الحجيه:خوش احط بطيطه يم سعاد وانته نام هنا..

===:طلع وهو يضحك وهيه مبتسمه ودردم قفلت الباب والتفتت عليه ..