ايقونه في ميزان القاضي

البارت ٢٧

ايقونه في ميزان القاضي ...

كون الفرح ينباع واشريلك العيد
يل شوفتك عيدين
عيد احلى من عيد ..
__سعاد___

_تحجي وهو ينضرلها بعشك وفرحان
  لان الغيرة واضحه بعيونها .

بطه:يعني ماتزوجها.

أبو الحكم:لاتخلين بالج يم جوان دوم
افضل من الكل .

بطه::خلي اروح ويه عمه سعاد بس
اشوف الحجيه وروح ابوي شوكت
ماتريد نرجع .

أبو الحكم: مايهون عليه اشوف امي مشتاقتلج بس صدكيني اريد من اخذج الهم الكل يتفاجئ اصبري لاتستعجلين ..

_خليها تبات يمي اليوم .

أبو الحكم:لازم تترخص من عدنان
اذا قبل خليها.

بطه ::اذا انته قبلت مايحجي.

_الله يعين كلبك يخوي
شلون  يقنع بيها مثل الطفل.

أبو الحكم: صح انه اخوها بس مادام اتزوجت بعد امرها بيد زوجها اذا هو ماقبل لازم ماتكسر كلمته واجب عليها تحترمه وطيعه ..

_يربي لو تشوفج امي يابطه بعد يحلم ابو الحكم يلوحج كامت بعد ما هو طلب منها تبدل لان وقت المدرس ..

أبو الحكم:استأذني من عدنان
واذا قبل حتى اروح انه .

_هو يعرف هذا الرقم لو لا..

أبو الحكم:شسالفه شبيكم محسسيني خاطفها شنو جو الرعب هذا ترى كلهم يندلون البيت ويعرفون كلشي عدنان ومظفر اخوتي وامن بيهم اذ بيوم صار عليه شي همه مسؤلين عن بطه حالها حالجن ..

_الله يحفظك ويخليك تمام لعد
راح انطي خبر.

عدنان:هاااا الظاهر اشتاقيتي .

_يله هسه شحجي ويا اخذت نفس وحجيت
بنبرة جديه حته ميرفض من اكوله اريد ابات .

عدنان:الوووووووو .

_شبيك طرشتني ليش تصيح اسمعك اني بيت ابو الحكم الثاني واكيد انته تندله واريد ابات يم بطه .

عدنان:شوكت رحتي ومنو وداج وليش هسه جايه تستأذنين خو من طلعتي مافكرت تنطيني خبر ..

_يحجي وياي واني صافنه عله بطه .

عدنان:اخذي راحتج الظاهر بالج
مو وياي اساسا مخابرتج اسقاط واجب .

_سده بوجهي دروح خليني بهذا الجو الي
كله عشك اخوي غركان .

أبو الحكم:والله هيج احله هيه ساعه
ويروح المدرس .

بطه: بس شعري ما اشده اضوج يأذيني.

_مستحيل يكدر يقنعها بشيء اذا كالت
لا بعد انتهى الامر .

بطه:عمه تعاي اعرفج عله الاستاذ
احمد ترى ابو الحكم يقبل تكعدين يمه .