ايقونه في ميزان القاضي

البارت الاول من الجزء الثاني

ايقونه في ميزان القاضي ...

البارت الاول..
____سعاد______

_ اتأزم الوضع  ولان ولدنا جيش مو شرطه كلنا ماعليهم شي اهل بطه دوم يخابروها وشكد توسلو نروح يمهم ماقبل ابو الحكم اني وسحر قفلنا بيوتنا واجينه عند اهلي عمي علي حظرلنا مكان يمه كال اذا حسيتو بخطر تعالو مشاكل دلال ماتخلص صبحنا على صوتها هيه ونسرين.

موفق:يابه دخيل الله كافي ترى البينا كافينا بياحال وانتن تتعاركن نسرين وروح ابوي اذ سمعت صوتج اله انهيج .

دلال:اني بعد ماانتضر
راح اخذ اولادي واروح لاهلي .

مظفر:صلى على محمد يابه ترى اهلج عله لحظه يسافرون انتضري بلكي اليوم ينزل ابو الحكم
حته كلنا نطلع للعم علي افضل .

عدنان:اني اشوف لو نروح يم بطه اامن محد يعرف ذاك البيت ولا المنطقه يعرفون منو ساكنه شتكولون .

سحر:ننتضرة يجي ميصير نروح بدون علمه ..
مظفر:اكيد طبعا ..

دلال:شنو انوب نستأذن من حضرت بطه حتى ندخل بيتنا .

_ابد مو بحال انرد عليج اندك الباب حيل ركض موفق وتفاجئنا بضحى دخلت تبجي ياااا هاي شجابها وبعد مشوار هيه ودلال سالها موفق...

موفق:بس فهمينا شجابج لعد خالج وين ليش اجيتي البصرة اامن ..

ضحى:خالي جابني كال روحي ويه اهلج واخذ بيت جدي ورجع للبصرة.

موفق:اشو حتى مانزل ولا كال هاي بتكم زين زاهر شبي حته مااجه ودعنا وشلون راحو وخالي لحد الان مانعرف عنه شي.

ضحى:جدو بالبصرة صار فترة .

_امي انقهرت خطيه مهما كان اخوها استهضمت حيل ودلال الي دنكت خجلانه ليش هيج سوى خالي ورا شويه اجه ابو الحكم 
سوده عليه باوع لبنته مستغرب حظنته وبجت سكتها وهو يحجي.

أبو الحكم:همزين جنت حاير شلون اجيبج يله لمو غراضكم نروح لذاك البيت اامن وبعدين نشوف شلون تصير طلعتكم .

عدنان:لا تسويلك لعبه كلنا نسافر سوى.

مظفر:اذا مو انته ويانه مانخطي خطوى خارج العراق .

أبو الحكم:لازم اصفي كلشي احسبو حسابكم احنى عوائل ونحتاج مكان وبلد مانعرف بي شي لازم نأمن نفسنا ماديا كومو هسه عود لوقتها الله كريم .

_ كمنا اني وسحر وامي توصي بينا 

الحجيه:لاتكثرن  بالغراض بس ملابسكم والاكل.

أبو الحكم:اهم شي اوراقكم الثبوتيه جناسيكم موفق اول مره اخذو القناني واذا عدكم نفط وجوله انقلو المواد الغذائيه كلها  خاف الفراش ميكفيكم اخذو منا فرش ...

دلال:حسب علمي البيت مؤثث بعد المن ماخذهن لو خاف متقبل نستعمل اغراضها.

أبو الحكم:بيتها وبكيفها ونعم الله عليها تستقبلنا وكفت اخوها الي ماسال على اخته بكد ماباله يمي ويلح جيب عائلتك وتعال.