ايقونه في ميزان القاضي

البارت ١٥ و١٦

(((((بطيطه :)))))
سديته التلفون والتفتت على الهام الي رافعه
حاجبها وتباوعلي بزعل ضحكت يااا شبيج .

الهام:شنو فلمج ماجاي افهم تصرفاتج .

_جريت ورقه من السجل واخذت القلم وكتبت الحياة تجارب و دروس نتعلم منها المضي قدما إلى النجاح لا يكسر قلب امراءة إلى الكبرياء والكرامة اذ حافظتي عليهم بعدهم كل شيء  لاتعتبري خسارة وهاي نخلي تحتها الف خط.

الهام:اي وبعدين .

_كعدت كبالها وادري بس هيه فاهمتني شوفي كل عمري جنت اتصرف بتوجيه شلون ابسطلج الامر
حته تفهمين.

الهام:ليش شايفه اذاني كبار لو كالولج
الصورة الي على جن ابو الولد مالتي ..

_يمه راح اموت هههههههههه طيرتي ام
الكلام خرب يومج ههههههههههه...

بمرحله من حياتي كنت روح للقاضي .

واليوم عقل للجسار .

الهام:يعني .

_اذ تخيرت او جبرتك الضروف على خسارة
فطبيعي انو راح تحرص على الباقي بجيبك .

الهام:ترى دخت صايرة ماتنفهمين وبعدين
ليش احس  معتبرة موت ابو الحكم خسارة .

_يعني يا اما الروح تتغلب عل عقل لو العكس ومرات الضروف والقسمه تلعب دورها وكل شي بيد رب العالمين((انت تشاء وانا اشاء والله يفعل ما يشاء )))
اسولف ويها وعيني على الكامرة شفت سيارة طبكت كتلها يله باي وصل ختيبييي  باجر نكمل كلامنا اول ماصعدت نزل النضارة على عيونه سلمت رد ببتسامه

جسار:هلا ياماي عيني ها نمشي .

_اي بس وين نروح ؟

جسار:نفتر لو تردين بمطعم لو حابه نكعد
بمكان وحدنا افضل مانتقيد.

_مافهمت هو بسيارة وحدنا واذ كعدنه مطعم هم وحدنا قابل عازمين ناس ويانه .

جسار:مو اذ اسوق راح يصير تركيزي بالشارع فشتكولين لو نروح للمزرعه كعده تخبل متاكد راح تحبيها.

_مزرعه وين يعني زين منو بيها.

جسار:بس الحارس وعائلته ومو غريب
من عمامنا .

_بس لازم اكول لحسين  .

جسار:اي عادي بلغي طالعين بس مو تكليله للمزرعه عيب هسه ياخذ غير نضره .

_ماجذب عليه مستحيل لان اذ بيوم
عرف راح يزعل .

جسار:ماراح يعرف وبعدين انتي زوجتي
لنفرض عازمج بيتنا .

_اكيد الامر يختلف لان اهلك موجودين
هسه خلي اتصل اذ ماسالني وين رايحين ماكله .

جسار:ماشي فتحي الصوت خلي
اسمع بله اله ثقه بيه لو لا.