ايقونه في ميزان القاضي

البارت الرابع

ايقونه في ميزان القاضي ..

$$$$$$بطه$$$$$$

_كعدت ماكو احد بالغرفه طلعت  بس الحجيه
بالمطبخ رحت يمها حجيت وانه اغسل وجهي بالسنك
ترى أنه اعرف كلشي تردين اسويلج اكل ضحكت
وهيه توزع بوساتها على وجهي...

الحجيه :لا تريكنا وانتي نايمه كومي
طلعيلج صمونه خلي اسويلج حليب..

_ ماشتهي اباوع الجدورة على الطباخ والبيت
نضيف الظاهر باليل سعاد ودلال مكملات كلشي.

الحجيه : شبيج اليوم بعدج نعسانه جا ضليتي نايمه
خلي امشط شعرج وخلي بي طوك وبدلي ثوبج بنيتي.

_نفذت كلامها اجو كلهم وبده
مشوار الغدى.

دلال وبناتها يحضرن للعزيمه سعاد وياهن وقت
صلاة وزعو سجادات وتصرفت بفطرة وانه افرش
آخر سجاده لموفق وكلمة خالهم نرفزت ابو الحكم
من سمعه يكول.

ابو دلال: تعيشين محيله..

_غمزله موفق يسكت وهو يترجاه بعيونه مرت خالهم وام دلال والحجيه بالغرفه توضيت واجيت يمهن متوجهات للصلاه من كملنه مرت عبد المجيد باستني وهيه تضحك..

نضال :.يا فدوى تصلي عفيه حبابه .

الحجيه :اي تعرف امها معدله مثلج
ومعلمتها .

ام دلال :شلون هان عليها تعوفها اذ هيج مهتمه بيها مهما كان لو للموت هم اخذها وياي ولا عوفها عد ناس غرب .

نضال:يا عمه اكيد  الضروف
جبرتهم .

_طلعنه كلمن أخذ مكانه كعدت بصف الحجيه
وهمه كوى  واحد متحمل الثاني مجامله وبعد السوالف الطويله والجاي نفتح موضوع رجعت البنات ويه خالهن لأن خلصت العطله قررو باجر الفجر يطلعون .

سعاد :تعاي يمي سويلي واهس
اكمل شغلي. اضوج وحدي .

_  اجت دلال وتحجي بصيغت امر.

دلال:بطيطه روحي شيلي الطفايات
نضفيهن ورجعيهن يمهم..

_رديت عليها اي عمه دخلت للصاله اخذتهن غسلتهن الي سعاد رجعت اريد اخليهن كدامهم خزرني ابو الحكم بسرعه طلعت  اندك الباب..

سعاد : يمكن بيت سحر..

_طلعت اركض عمه سحر وبناتها
ومظفر سلمت عليهم .

مظفر :وانه ليش ماتسلمين عليه .

_ردت ارجع وجرتني سحر وهيه تضحك .

سحر :مايصير بس احنى النساء نتباوس
والرجال نسلم عليهم من بعيد هسه يلزمك
عود اشرد.

_ضحكن بنات سحر .

ايه :ياصدوك بابا تشرد من خالو ابو الحكم.؟

_دخلنه واشتغل السلام والهوسه رجعن
البنات يم سعاد للمطبخ صاحو على جاي.