ايقونه في ميزان القاضي..
شجابني شوداني يمهم.
كلوبهم سوده تعذب
و اني عندي رويحة ترفة
تفشل جناح الحمام
يا رخص ذيج الوعود الما وفوها
تشبه دموع اليضيع بسوك ويسألونه انته ابن من ياعمام.
؛؛؛؛؛ بطه؛؛؛؛؛؛
_طلعنه ومظفر ايوصي ابو الحكم
مظفر:لا تسوي مشكله ترى ابو دلال منتضرها يريد حجه..
ابو الحكم: اعرف شلون اخلي حد يله في امان الله .
_صافنه اباوع لشارع انتبهت
من سئالني .
ابو الحكم:تردين شي مشتهيه شي ؟
لا باوعلي مبتسم وصلنه دخلت لغرفه
الحجيه فتحت اديها تمددت وخليت
راسي على رجليها.
سعاد :يمه ابو الحكم يريدج
بالاستقبال. .
_طلعن بجيت من وضعي من غربتي
ليش ابوي مات وخلاني ليش من دون
الجهال اهلي هيج عافوني من فزيت
مرعوبه ايدي على صدري هو والحجيه فوك راسي احس نار مشتعله متت صاح على سعاد اطاها الدوه..
ابو الحكم:خلي من هذا المرهم وعوفي
عشر دقايق ينشف تخلين عليه شاش
وتأكل يله تشرب الكبسوله .
_طلع استسلمت لسعاد بدون صوت خلت
عصارة وضلت كاعده على طرف الجربايه.
سعاد: اخلاق سزز شلون هيج سوت اني من يمي مستحيه دلال كل هذا يطلع منج ...
_سكتن بس نضراتهن بيها خوف منين
ماادري طلعت سعاد عدلت كعدتي .
الحجيه:لاتكومين يمه. .
_دنكت اريد اروح للحمام
وخاف؟
الحجيه:كومي انه يمج لاتخافين.
_طلعت همه بالصاله الحكم يباوعلي
وموفق دنك وهو متمدد تعديت من يمهم
امشي واتلفت خاف احد يلحكني بسرعه
رجعت لكيته كاعد والصينيه يمه اشرلي .
ابو الحكم:يله انه جوعان تعاي
وياي ..
_كعدت يسوي لفات ويطيني موجوعه
دموعي يطيحن بحظني كوى اكلت .
الحجيه :جراح ابن خالتك طلعت كلية
اهنا ومايريد يبقى بالقسم وحرجتني
تريده يبقى يمنا.؟
ابو الحكم:حجيه بيتج وانتي حرة بس
شتشوفين ترهم جراح مو خوش ولد
ياريت يوم يومين هاي كليه ٤ اسنين
شلون رهمتهتا خالتي .
الحجيه :انه مارضيت كتلها اخلي
ابو الحكم يشوفله حل؟
أبو الحكم:الله كريم اكو شباب
ياخذون شقه ويتشاركون بالاجار
اشوفله مجموعه وذبه وياهم.
ها بطه ماصرتي زينه ؟
_هزيت راسي اي دخلت سعاد؟.
ابو الحكم:سعوده نامي هنا اليوم
خلي انام بغرفتج مابيه اصعد.
BINABASA MO ANG
ايقونه في ميزان القاضي
Mystery / Thrillerمن رحم الطفوله والصراعات خرجت امراءة غامضة هل سيوقفها الماضي الذي جعلها بهذة الشخصيه ام ستختار المستقبل المجهول؟ معا لنرى ماذا ينتضرنا في رواية ايقونه في ميزان القاضي............ 7x2708 انستا
