ايقونه في ميزان القاضي

البارت ١٤

بطلت الفرح ضليت ابيع اهموم

وأسعار الاحزان مسجله بخدي

الرايد حزن خل يجي ياخذ دين

والرايد فرح يعذرني ماعندي .

________بطه_____

_ضيلت ساكته ماعرف شصابني.

جسار::اخ لو طحت بيدي ياسليم هسه هو انه صوجي المفروض من زمان كاتلك ومخلص الناس من شرك هينه اطيرررررر هم اجيبك.

_احس وشه باذني صدمتي من الصار ماجاي استوعب الي سمعته انعكد الساني اريد اصرخ وصوتي مايطلع اجه مصطفى يركض كلهم واكفين يم السيارة وهو يحجي دموعي الي حجبت الرؤيا نزل الجامه اليمه وكله..

جسار:التايرات كعدت ...

مصطفى:حول بذيج ها بطه حمد لله على سلامتج خويه ...

_يباوعلي ويحجي برود يريد يبين الامر عادي .

جسار:يابه بس اهدي ماكو شي مو علينا اطيني ايدج انزلي هيج جبانه شبيج ترجفين قدم السيارة هنا مصطفى..

_ماكدرت اوكف ماتت رجليه كوى حولت للسيارة الثانيه صعد واشرلهم بمعنى لاتجون وراي ادور على جنطتي لان صوت نقالي يدك طلعته بسرعه اخذه مني ورد ..

جسار:ها ابو علي اسف جدا بس صار حادث بسيط لالا هاي يمي والله ماكو شي جاي وداعتك يمعود لا تقلق كف معازيمك .

_اباوع يمكن ٣ تلفونات يمه وكلهن يدكن سده من حسين والتهه يجاوب بيهم ...

جسار:شكوووو ادري زافيني موكلتك لا تجون وراي ارجع دورلي الساقط كون الكى مربط يم الغنم .

_مامنتبهه لنفسي اسال بصوت وكل ضني احجي بكلبي لان هاي حالتي صوتي يختفي وبلحظه يرجع منو انته وشنو عملك والتلفونات وهاي السيارة وليش عمامك بيدهم سلاح وشعرفك بأابو الحكم شوكت مات صرخت من لزمة البريك عبالي احد لحكه...

جسار: هذا الي هامج هسه خوف لو الخبر نزل دموعج ورجفتج عن شنووووو تسالين بطه ...

_قبل لاندخل بشارعنا لزم ايدي دفعته .

جسار:يصير خير ...

_وصلنا حسين واكف بالباب وبس شفته
صبت دموعي نزلت اخط برجليه ...

حسين:ها بويه اسم الله اسم الله ...

_البجي ماجاي يريح كلبي طكتين على الراس توجع دخلت تايهه مات شلون وليش تلكتني حياة...

حياة :الف الحمد الله والشكر مابيكم شي .

_اشرلها حسين اخذيها للغرفه واني ماكو على لساني غير شلون مات وشوكت انتي تدرين ميت ماردت عليه تحجي ودور بعشوائيه تتهرب من سؤالي .

حياة:يمعوده علاجج وين هاي الرجفه شوكت تروح منج انوب انه من الهبطه انثولت اهلج انخبصو بس حسين كالهم ماريد احد يسمع لاتخربون عرس احمد.