ايقونه في ميزان القاضي

البارت ٣٠

ايقونه في ميزان القاضي ...

_///////بطه//////

_هو يحجي وانه كل تفكيري
باسها حظنها هم يكلها انتي روحي اووو اباوعله وشكلها مايروح من بالي وتأكد جانت بالحمام احس
نار بكلبي بجيت وانه اتوسله وديني لبيتي .

أبو الحكم::عيب اعوف  الناس كاعدين وحدهم
بس باجر خاف يجي شيخ بعد الغدى انروح .

_مااريد ابقه  حتى ماشوفك
وياها وهيه تتعمد تحجي كدامي.

ابو الحكم:خليج واثقه بنفسج لاتطين مجال للغيرة تحرك كلبج تصرفي وكانو انتي الاولى والاخيرة .

_لا مو الاوله ولا اخيرة
لان هيه هم زوجتك.

ابو الحكم:وياج انه اختلف بكل شيء
احساس عاشق ماعشته  ويه غيرج 
لهفتي وحبي وشوكي وحتى نضرتي

_كتلي ماحبها شلون تروح يمها... تقرب راد يحظني دفعته ماريدك تلعب روحي مننننن بعدني ماكملت كلامي وفاجئني براشدي .

ابوالحكم:كم مرة نبهتج ماتجاوزين .

_رجعت اطكني مو حلفت ماتمد ايدك عليه انته
جذاااا... اشتعل خدي براشدي ثاني من قوته صرخت
متفاجئه ودلال واكفه باوعتلها وحجيت اخذي اللج ماريده .

ابو الحكم:رجعتي  تكولين ماريدك
يعني تردين انهيج خو كولي اكتلني .

___/////سعاد__//////

_كاعدين يم سحر
وعيني لبطه وابو الحكم يحجي وهيه منطيته ظهرها ومبينه تبجي الله يحرك كلبج دلال تعمدت تثير غيرتها طفله شيقنعها تحبه بتملك تعتبرة اب وحبيب وزوج تريده بس الها ..

سحر:هو يفهمها اكيد ماراح تقبل دلال اتشاركها بي بس مجبورة تسكت ماعدها غير حل مثل مانجبرت تتقبله.

_ماجبرها تحبه وتغار عليه ..

سحر:تحبه لان محتويها مو اختيار انفرض عليها
ترى اذا نرجع للصدك مو عمرها وماكو توافق بينهم
هو كبرها بتعليمه والناس الي استعان بيهم لتدريسها لكل امور الحياة ..

_هم يجي يوم وتعوفه
يعني اذا اهلها داعو بيها شتكولين ..

سحر:مظفر يكول لو بعد الف سنه لان اخوها دازلها رساله بس ابو الحكم من قاري الي مكتوب ماقابل ينطيهيا.

_لا مستحيل ليش
يعني شنو الي كاتبه اخوها.

سحر:اسكتي اجت دلال ..

_التفتت يااااا هاي شبيها
خرفت شمسويه بروحها.

سحر:مو بيدها الغيرة مامحدده لعمر زوجها
ولاتنسين عدها اهم شي صورتها امام الناس .

_طفرنا اني و سحر من شفنا ضربها .

سحر:لا على بختك ليش .

بطه:اصلا هو يضوج اذا مايطكني
ويتعمد حته يثبت لدلال هو مايحبني .