ايقونه في ميزان القاضي

البارت ٢٥

ايقونه في ميزان القاضي ...

عن لسان ابو الحكم....
يترفه ودافيه ياهيله ياعنبر..

يليل اشته ..

بوكت عتاب ويه احباب

ياعود الياس المشتول بوسط
روحي وبده يخضر.....

بطه:

كل البجي البجيته من فاركت اهلي لحد هاي اليله قطره بحر وانه اسمع وصيت ابوي موبيدي عيوني مابطلن شكد توسل وحجه وقنع بس اسكت شويه ماكدرت ..

أبو الحكم:رب العالمين مايخذ منا شي اله ويعوضنا بالافضل منه بطه ابوج الله يرحمه خلالج سند اخوانج وامج ام حسين الي ماعاملتج كزوجة اب وهذا كله بفضل ربج ..

_وينهم ماسندوني عافوني عافونيييييي
حسين مو ابوي وصاه بيه شو خلاني وراح .

أبو الحكم:كل شيء بحكمه وعسى أن تكرهوا شيئا وهو خير لكم يجوز هذا البعد الكم بي صالح انتي واهلج وثقي والله يجي يوم وتلتقين بيهم بطه اهلج يحبوج حيل صدكي .

_كمل الوصيه اريد اشبع من سوالفه انه
مشتاقتله حيل حيل مشتاقه لحظنه ..

أبو الحكم:مااقرء اذ تبقين هيج تبجين
شلون راح تفهمين كلامه وتحفظين وصيته.

_راح اسكت شوف هاي ادموعي مسحتها بس اقرء .

ابو الحكم:ابوج كاتبها الوصيه وانتي بصف اول ويكول بيها اتمنيت ازفج بيدي اوصيج مثل كل اب يوصي بنيته صوني زلمتج وحافظي عله سره واذا بيوم جار عليج اخوتج يشيلون عينه ..

_ماكدر سكت بجيت بصوت عالي
والحجيه دخلت حظنتني وهو كمل

_اريد كلمن يشوفج يكول الله يرحم ابوج على هاي التربيه لاتخونين الامانه ولا تفشين سر والغلط الي ماتكدرن تصلحينه تبعدين عنه صلاتج وشاهدتج اريدج تكملين وتوصلين بطيطه يروح الروح انتي .

_اه اه يابويه تعال شوف شصار بيه
وين انه اخواني محد سال عني .

الحجيه:الله يعين كلبج ابجي حكج تبجين.

أبو الحكم:حجيه  ابجي يم سعاد مو
شارده هنا هيه روحها خلصت رحمه
عله والديج ..

الحجيه:روح انته نام بغرفتك انه
راح ابقى هنا ..

أبو الحكم:حجيه على كولت موفق ترى انه اعودلكم ادري ليش هيج تسوين وياي شفتيني حاظن شابك شو مسحت وجهه بملابسي ومتحمل .

الحجيه:وهو انته لان ابني واعرفك
روحك تلوب وعطشان.

أبو الحكم:جا يمه من تدرين بيه عطشان
غير ترويني ادري انتي من بني اميه ..

الحجيه:يااا هم عدك سوالف تسرسر وانه
عبالي بس عدنان وموفق..

_تمددت وخليت راسي على رجليها وكل  كلمه من وصيت ابوي ادك بكلبي غفيت من كد البجي .