ايقونه في ميزان القاضي
*بطيطه*
_ماكدرت انام مرة اكول اذا عمتي مااجت لو رجلها ماقبل شسوي ومرة افرح روحي واتخيل رايحه وياها وبناتها يتلكني هسه رحيم صاير جبير وهيج خلصتها كمزت من حجت ام البخت .
أم البخت:لا تعبين روحج
نامي وربج ايحلها يجده .
_بله عمتي ماقبلت شلون ؟
ام البخت:خايبه مطيتني ظهرج
وتسولفين حريشي كون.
_ضحكت وانه ادور وجهي عليها .
أم البخت:رب الحفظج وانتي بيد انذال ماضن يتخلى عنج حتى لو عمتج ماكدرت عبنها معذورة مو بيدها هم الزمن جار عليها.
_اي بس هيه عمتي يعني لازم تاخذني
انه ماريد ارجع لبيت ابو الحكم .
أم البخت:تردين تبقين يمي
بس هذا ابو قاط شيقنى ؟
_منو ابو قاط ؟
ام البخت:خايبه ابو الحكم جا ياهو بعد .
اروح لعمتي حتى من يطلعون اهلي من
السجن لازم يجون عليها .
أم البخت:مااضن ايهدج هذا المدوهن
وامرج بيده هو ماهرج ومحد اله حك عليه .
_شنو ماهرج .
أم البخت:ولج اتعلين الفاد انتي رعنه
غير عاقد عليج وتنحسبين مرته .
_هو من يتعاركون ويا يكول عاقد عليها
وحته وصاني اذا سالوني اكول متزوجين .
فياض:يالله ها كاعدين .
أم البخت:الله جابك تعال ليه موتتني عاد الحجيه اتبين خيرة ومعدله جا شعجب هاي المده كلها مامعلمتها.
_دخل الشيخ امدنك وهيه مستمرة تحجي .
فياض:ها شبيج وياها ترى ماتفهم جلماتج .
أم البخت:ها شني ارطن وماتفهم عليه .
_ضلو يحجون بأمور تخصهم شويه وكام فياض راد يطلع سألته عمو شو مارحت على عمتي .
فياض:اي بويه وديت عليها الولد بلكي تكدر
تجي هم مو بيدها انه صار فترة مامتواصل وياها ..
_انته تندل بيتهم بس وصلني وانه اقنعها
حتى عمو ابو رحيم انه اتوسل بي والله
هو خوش رجال وجان يحبني.
فياض:ان شاء الله .بس هم نخلي احتمال مانلكاها لو رجلها مايقبل وانه ماجبرج ترجعين ويه ابو الحكم تبقين اهنا حالج حال ابنياتنه بس كون مااضطر اتواجهه وياهم.
_مادري ليش كلبي حس عمتي
ماراح تاخذني واقنع بروحي ماهون
عليها هيه ..
____سعاد___
_شكد حجو ويا مااقتنع .
العم علي:يكلك الشيخ معتبرها دخيله انته تعرف شنو يقصد ومالك حق تاخذها اذا رفضت ليش تحرجنا خليني اروح واحاول اقنعها .
YOU ARE READING
ايقونه في ميزان القاضي
Mystery / Thrillerمن رحم الطفوله والصراعات خرجت امراءة غامضة هل سيوقفها الماضي الذي جعلها بهذة الشخصيه ام ستختار المستقبل المجهول؟ معا لنرى ماذا ينتضرنا في رواية ايقونه في ميزان القاضي............ 7x2708 انستا
