ايقونه في ميزان القاضي

البارت 21

ايقونه في ميزان القاضي .

مثل دولاب نفتر لا نعلم متى نستقر .

بطيطه:
_رد وهو مبتسم .

أبو الحكم :عفيه والله خوش مواصفات
تعرفين تختارين  .

_اي مو هسه من اكبر .

ابو الحكم: بس انتي هسه مو زغيرة وتفهمين والدليل جاي اجاوبين وتسالين وعرفتي الصح من الغلط وحته تصرفاتج ادل انج كبرتي .

_علوا اكبر  حتى اكدر اروح ادور على امي.

أبو الحكم:مالومج وادري لو الف سنه ماراح تنسين ولا تتقبلين بعدج عنهم اله تشوفين بعينج وهذا امر طبيعبي صار بطه اوديج .

_احلف صدك اتوديني شوكت انروح...

ابو الحكم:لا تستعجلين كولي ان شاء الله
بس افرغ اخذج وعد .

_يارب باجر تفرغ ونروح والله انه ادري امي
تحبني ويجوز هسه ادور عليه بس ماتندل ..

أبو الحكم:اكيد تحبج وحتى اخوانج 
يحبوج بس الضروف  جبرتهم على البعد ...

سعاد

_ما نمنا بقينا اني و امي انسولف مرة نذكر
الفات ومرة نسولف بالجاي..

الحجيه:عمج وولده هسه كعدو خاف عبالهم نايمين ويستحون يكعدونه لو كايمه شايفتهم وهم جيبي بطه وياج لا تنزل دلال وتسويلنا هوسه خلي هاي الايام اتعدي على خير ....

_يمه عمي وضح كلشي وصار امر واقع
والكل  عبالهم اتزوجها بعد ليش هيج تكولين..

الحجيه: خلي تبرد السالفه ماخايفه من دلال بس  حتى لو غلطانه مهما كان تبقى زوجته وام اولاده مااريد بناته يحقدن عليه .

_ تتوقعين بطه تتقبله واذا صار
ونسجمت وياه معقوله دلال ماتطلب الطلاك
وبعد هاي الشغله يمكن ابو الحكم يتمنى  .

الحجيه:لا هيه تطلب ولا هو يطلك هذا مصير عائله الامر ماراجع بس هو وياها بناتهم ولدهم كل جرح يجي يوم ويطيب حتى لو يترك اثر راح يستمرون دلال مو غبيه حتى تتطلك وبهذا العمر ..

_كمت بعد ما سعمت صوت عمي  سويتلهم ريوك ماقبلو كال عمي بلكي نبقى على صيامنا لحد مانوصل سلمو وراحو ..ابو الحكم طلع وقت الفطور
كوى جبرت امي تكعد ويانه على السفرة جرت بطه وياها بيتنا صار كئيب  البنات اذا ابوهن موجود مايطلعن للصاله  عبالي يوم يومين وترجع الامور طبيعيه بس تفاجئت من دخل موفق .

موفق:لاتوصلن للصاله خلي الولد ينزلون
الغراض ويصعدون غرفتي..

_ ترى ماتكفيهم غرفتي لاتنسى الحكم منا وهيج لازم غرفه لوحده البنات وياي عادي وغرفتك لدلال ..

موفق:الحكم تبقى غرفته فوك ..

_يمكن عقوبه مااعتقد دائميه الشغله..