ايقونه في ميزان القاضي

البارت ٢٧

ايقونه في ميزان القاضي ..

____سعاد____

_محتارة خاف ادخل ويفوتني شي من كلامهم لان حسين مامصدك بحملها وحته اني هم بشك رغم لمعة عيونه وابتسامته الي ادل على فرحته ضليت واكفه واتسمع عليهم صوت حسين عالي.

حسين:مامقتنع بكلامك اعذرني الي اعرفه بحالتها صعب يصير حمل واذ صدقت القول معناها كارثه .

ابو الحكم:ماكو شيء يصعب ع رب العالمين.

الجد:والنعم بالله بس حسب قولك
صحتها مو تمام وكلبها تعبان شلون راح تكدر ؟

ابو الحكم:متواصل ويه دكتورها كال اذا
كدرنا نبعدها هاي الفترة عن التوتر والتعب راح تستغني عن علاج الاعصاب،،، يبقه القلب نحاول مانجهدها بالولاده،، بلكي الله ويتتم حملها ع خير
نسوي عمليه والتخدير يكون نصفي مو عام .

حسين:وليش تجازف بيها حرام عليك.

ابو الحكم:بالنسبه الي الف الحمد الله
عندي اولاد وبنات بس الها طفل تلتهي
بي تكون عائله .

_مليت من الوكفه همزين نقذني موفق
دخل مبتسم ع شكلي .

موفق:عاد خليلج كرسي رجليج ماوجعنج ؟

_ترى هو كلي خاف دلال تتسمع .

موفق:خو قفلي الباب الرئيسي،وهذا باب دلال هم وخلصي ونسرين،راح احجزها الج فوك .

_ يحجي ويقفل البوب ،اي والله خلصتني عفته
دخل عليهم وتوجهت لفرح،، بين ماكملو صلاه
اجو عمي وعدنان التهيت بالغده والجاي نسرين من عرفت اهل بطه هنا ضلت تحوم بس موفق ماخلاها توصل للباب للعصر راحو واني الوب اريد بس انفرد بواحد منهم يااا ولا جنه يشوفني صعدت ورا ادردم شبيك ؟

عدنان:سلامتج .

_صعدت حته مالتفتت عليه .

عدنان:كسرتي خاطري كلت اكيد رجليها رايحه
من الوكفه مال الشباك ماعندي شي ابدل وانزل.

_احتاريت شجاوبه حصرتني،البجيه كعدت
منطيته ظهري .

عدنان:هههههه ها زعلتي وروح امي
اتشاقه وياج وداعتج ماقصدي .

_مادري شبية نغثيت من كلامك .

عدنان:لان مشتاقه لامج ولان تعبتي
سعوده محملينج فوق طاقتج احنه .

_وعرف محتاجه لحظنه بوقتها لمني بحنيه
بجيت فعلا مشتاقه لامي .

عدنان:هسه غردي شنو سمعتي
شصار قبل مانوصل؟

_ وعبالك ذكرني،،ياا صدك نسيت اكلك بطه حامل .

عدنان:عود وصاج ؟

_باوعتله شو ماتفاجئت معقوله تعرف؟

عدنان: اليوم الصبح من طلعنا كلي
الدكتور امس مخابرة .