ايقونه في ميزان القاضي

البارت 14

ايقونه في ميزان القاضي...

رجل أدى الامانه بكل صدق
حتى مشاعرهُ لن تتغلب على مبادئه
بالرغم من عشقه المفاجئ لها لكنه
صارع قلبه للحفاظ على تلك الايقونه ...

(سعاد)

/انصقت من كلام عمي معقوله حته
اتقززت منه .

الحجيه:يعني مو خطر وجودها ولا بيها اذيه عادي تزوجها لو تنطيها الابنك بس يمي مايصير تبقه وابو الحكم مايجوز ياخذها .

أبوياسر:خطر اذا لاهيه راده ولا هيه ماخذه واني على مود ابو الحكم ليش يخرب بيته راح اخليها سكته تبقى بالشقة واروح وارد عليها ..

الحجيه:ميخالف خلي يجيبها واكعد وياها
اقنعها ..تدري هيه كلشي ماكو .

دلال: يازين حظها تاخذ عمو ابو ياسر هيه اطول ترى عادي هواي بعمرها تزوجن ولا تكليلي بعدها زغيرة اني موغشيه مبين من تغير شكلها بلغت ...

الحجيه:انشوف شكو بيها اتمنى تنستر وعلى كولتج ابو ياسر مايتفوت بس خلي يجي ابو الحكم انته موتكول ماموجود بالشقه ..

ابو ياسر:اي رحت مالكيته
يله اترخص في امان الله.

_شكد انكشفت امور من دخلت بطه لبيتنا وكانو رب العالمين دزها لاجل نعرف ناسنا عمي الي جنت اشوفه غير شي صح عنده قساوة بس رجل ناجح بحياته وعائلته ماتوقعت تدني نفسه على طفله بقت امي اتلوب ...

الحجيه:وين وداها كومي
خابريلي على سحر تجيني .

_يمه اصبري هسه يجي موفق ونعرف
مامعقوله ماعنده علم ترى ابو الحكم
ماايضم شي عليه..

الحجيه:وليه كفار الله اكبر شنو من
بشر عمج كبر وخرف
عينه بالطفله ..

_اي والله شكد احتقرته عيع
شلون فكر بالموضوع ..

الحجيه:واخوج الي مااعرف على شنو ناوي واذ سمع هذا الحجي شيسوي وياخوفي يسويها اعناد ويتزوجها والبت تروح بالرجلين .

_انتي مو تكولين ربها احن من امها وابوها عليها خلي امرها يم رب العالمين وحتى لو ابو الحكم اتزوجها اهون من عمي ابو ياسر ..

موفق:هااا مبين من كعدتجن اكو شي
خلي ابدل واجي ابقن ابمكانجنج ...

_الي عرفنا من موفق بالشقه
يايابه من اجه ابو الحكم وسولفتله امي

ابو الحكم:يخسي هو وشيباته.

_يحجي بعصبيه شفت بعيونه نضرة مااعرفت
اوصفها حب عشك غيرة خوف فرحه مادري
بس الي اتاكدت منه اخوي ميت بيها ..

الحجيه:شني الحل شتكول .

ابو الحكم:هذا الي جنت منتضرة والظاهر عمي راد يسبق ابو دلال واجه لان حتى خالي رايدها هسه حلت العبه خليهم حجيه لاتهمين بشي .