ايقونه في ميزان القاضي

البارت ١٢

ايقونه في ميزان القاضي .

في الأمسِ كنت طفلة تصارعت من الألم والأمنيات والأحلام واليوم انا امرأة لم يبزغ فجر سعادتها للأن
كل يوم كان سنة كل لحظة كانت عذاب هل سيأتي الفرح هل من الممكن أن نرى ما نحلم بهِ متحقق وهل

     للحب نهاية !
ام سوف يتمرد هذا الحب لكِ يصبح قصة اسطورية تتخذها لأجيال لما بعد  ليس ما يتفوهون به من غرائز وشهوات الحب طاهر نقي ومابيننا انا وانتَ كان نقي منذ طفولتي يحق لي ان لاانساك لكن ايضاً يحق لي عدم مغفرة مافعلتهُ بي ...

_______/////////بطه////////_____

_دخلت ادردم شنو هل جسارة لاخجل لا خوف شيخلصني منه  نبهني صوت ام رسول دتنضف خطيه  ...

ام رسول:يااا خاله همزين مازلكتي .

_رديت عليها اسفه والله ماانتبهت  بدون زحمه عليج خاله من اتكملين تعالي للادارة اريدج  الهام بعدها مجايه شمرت جنطتي  وجريت الكرسي كعدت  شويه  ودخلت ام رسول...

ام رسول:انه كملت محتاجه شي بعد ..

_رفعت راسي اباوعلها اريد اذكر
شنو ردت منها يربي زهايمر مبكر صايرة انسه  كتلها 
استريحي خاله منا وهيج بنهاية الدوام وحده من عدنا تبقه تنضف انتي بعد  حدج ل٧ وراح اخلي الهام تنبه الطلاب همه مو زغار و تلمين وراهم اكو حاويات وسلال .

ام رسول:الله يوفقج وست الهام مامقصرة .

_عمري خاله مشكورة اخذي راحتج درت  على الكامره ضحكت من شفت الهام شلون تداهر ويه زوجها نزلها وراح ...

الهام:صلوات منين طالعه الشمس اليوم ...

_والله احتاريت وياج اجي من وكت ماراضيه اتاخر تزعلين ...

الهام:وشبيج مزعوجه ...

_تعبانه جوعانه نعسانه ...

الهام:جايبه وياي خوش لفات دكومي سويلنا جاي  وخابري فاطمه شعجب لحد الان اجت...

_التفتت عليها   يبوووي تذكرت بس لا جسار يحاجيها بسرعه طلعت تلفون وكتبتله ترى فطم  سولفت بدون قصد ورا ثواني رد .

جسار:لخاطرج ماراح احاجيها ...

_يله شحجي ويا حذفت الرساله كمت خليت مي بالغلايه وكملت الجاي  كعدنا ناكل  كتلها على ام رسول ايدت الفكرة ..

الهام: راح اشوف الجدول الظاهر فاطمه مالها نيه تشرف اليوم  ما اتصلي بيها..

_ماكو داعي هل اجت ...

فاطمه:شلونج شخبارجن ...

الهام:زينين بس شنو سر هل نشاط .

_لا عاجبج نشاطنا ولا من نجي من وكت .

فاطمه:بالحله نسولف يله باي خلي ابلش بيهم .

الهام:صدك بطه ست فاتن وعهود استحقو رواتب ..