ايقونه في ميزان القاضي

البارت ٢٣

ايقونه في ميزان القاضي....

_____بطه____

_اجتني اطياف سويتلهم توكيل,,, وبلغت الكل بعت البيت حسين زعل وبقه ايام مايحجي وياي التزمت الصمت واذا هو موجود مااطلع من غرفتي سمعت صوته يحجي وقاصد يسمعني.

حسين:ما عليكم شي قفلن بابجن
يومين مااتأخر .

حياة:دز على ام احمد تجي يمنا .

حسين:ماريد احد يعرف انه ماموجود
يله في امان الله.

_وهاي اول مرة يروح بدون ما يودعني
طلعت لكيتها بالصاله .

حياة:لاتضوجين ترى اليل كله هو باب غرفتج وكل شويه يكول شوفيها والله بالدوام ويتصل يسالني اكلت بطه اخذت علاجها .

_خلي اقفل الباب واجيج .

حياة:لا تخافين محد يوصل.

_الحقد الي بكلب شاهين ورحيم يخوف .

حياة:عمج مهددهم اذ يتعرضولج يشتكي عليهم
وحته فؤاد كايل الي يوصل اخلي يحلم يمشي على رجليه.

_الله الحافظ المهم شلونه حملج .

حياة:الف الحمد الله بطه شناويه
اقصد اول وتالي اجازتج تخلص .

_بعد هواي ويجوز انتقل يم جدي افضل خو
ماتبقون مقيدين بيه بس منتضرة تولدين بسلامه .

حياة:كل عقلج،،، زين مافكرتي بيه شلون اهون عليج ولج ترحين يومين اضل تايهه وحسين مايلفي للبيت يكول احس مضيع شي .

_اعتبروني مزوجه .

حياة:تختلف لان مطمنين عليج اذ عد رجال ومستقرة وهم تجينا ونجيج بس طلعتج منا
يعني راح يبقه زعل بينكم .

_اذا الحق يزعل خلينا نفترك احسن .

حياة:تغيرتي ماجنتي بهاي القسوة بطه مو هيج صح حقج وخاف عبالج حسين ماراضي ماردت اسولف.

_ههههه ماتكدرين اله تحجيها.

حياة:والله يكول زين سوت وجنت خايف تتنازل همه رادو يضغطون عليه وكالوله تاخذ كلامك اذ انته طلبت منها .

_لو طالب عيوني حسين مو بس
اخ وسند ابوي وصديقي .

حياة:ترى زعله منج بغايه راد يثبتلهم انو ماراضي عليج وحته من طلب منج ماقبلتي ولج لحد البارحه هو يكول ماارتاح لحد مااطمن عليها عد رجال يحميها ويصونها .

_ماكو نصيب شسوي الف الحمدالله
وتردين الصدك اني هم مالي خلك ولانفس
المهم شنو مشتهيه غده .

حياة:انه محضرة شسبزي
حامسته قبل يومين

_انضف وهيه تسولف عليه كملت واجيت
يمها للمطبخ خلصت طبخ وصليت بعد
الغده خابرت الهام .

الهام:عود توني ردت اتصل بيج
شخبارج .

_على حطت ايدج لاجديد ..