ايقونه في ميزان القاضي

البارت ٢٦

ايقونه في ميزان القاضي

(بطه :)

_ضليت واكفه وهو  طلع عيوني تغوش وخاف
اكعد على التخم الي موجود وهم يكول لاتعلوسينه اضطريت اكعد بالكاع  اسمع صوته يحجي ويه شخص برا  عفتهم وسلمت روحي للوجع الي شل وجهي ورا شويه دخل استغرب كعدتي باوعلي متسال وهو يحرك حاجبه حجيت والعبرة بصوتي خاف يتلف التخم اشرلي بأامر  كومي نفذت وجني غريبه وماعرفه وتقيدت بتصرفي وهو موجه نضرة عليه مثل الي يقراني... داهمنا صوت .

!!!!استاذ ..

ابو الحكم:تعال ابو عبدو.

_دخلو رجال ومرة رفعت راسي بس ماركزت مالي خلك موجوعه مخذوله منهانه وكلهن بيه والظاهر تفاجئو بوجودي بس ماتجرئو يسئالون سلمو وهو تولى الرد بقت المريه واكفه وهو ينطي تعليماته .

أبو الحكم:  بدون زحمه عليك
افتحو الغرف ونضفوها و تسوك احتياجات البيت..

_قبل ميطلع الرجال صاح عليه .

أبو الحكم :هسه جيب وياك اي شي جاهز..

_دخل لوحده من الغرف والمرة تفتر بالبيت طلع بيده التلفون ركبه على الفيشه الموجوده بالصاله  كل هذا واني كاعده خلصت   طاقتي احس الكاع تفتر بيه   فقدت السيطرة  وماحسيت بعد مده شفت نفسي بغرفه وعله جربايه والبدي مال التراك مبدل وشعري ملموم سمعت صوت مضفر  وجان واضح نقاش حاد بينهم ..

ابو الحكم:اووو انه صوجي خابرتك .

مظفر:شبيك ليش يمها وعقلك يحجر بس وياها ماعندك عدل ولا حق ظلمتها .

أبو الحكم:شمسوي جابرها عليه لو ذبيتها بالشارع لو مخليها تخدم مرتي اشو تحملت على مودها كرهه بناتي الي .

مظفر:لا تخليها شماعه تعلك عليها مشاكلك من الاساس انته ودلال مابينكم توافق وزواجكم مصلحه .

أبو الحكم:عوف كلشي بس كلي  بشنو مقصر
وياها ليش  متقبله الناس كلها اله انه تعبتني .

مظفر :هواي قصرت من حبسك الها وبعدتها عن الكل من رفضك انو تعيش وتتعلم حالها حال البنات تريدها تتقبلك وانته مانع انو احد يفهمها ..

أبو الحكم:ماردت تخرب تربيتها كلت تبقى على
فطرتها وتلقئيا تتعلم ..

مظفر:ترى اعرفك اكثر من نفسك لا تحاول
ماتقنعني انته خايف تشوف غيرك ؟

_اباوع غرفه بيها كنتور ومرايه مرتبه والجربايه
الي انه عليها ام النفر .

ابو الحكم:عشكتها بدون تخطيط لاتلومني.

مظفر: كل عقلك بهذا اسلوبك تكسبها عذرتك وكلت من غيرته . بس لهنا وكافي الاسبوع الجاي نواجه اخوها وهو يقررر..

أبو الحكم؛:لا تخليني اتندم لان سريتك انته تعرف معزتك بس هذا الموضوع خط احمر..

_ردت اكوم الكاع تفتر بيه اختفى الصوت عرفت راح مظفر بقيت على كعدتي دخل باوعلي باسف .