ايقونه في ميزان القاضي

البارت الاخير

ايقونه في ميزان القاضي ..

((((سعاد))))

:صار كم يوم واني دايخه بحمل بطه الي رافضه تبلغه والمشكله لازم يعرف حته يعرضها عله دكتور نبهني من صفتني رحاب واكفه وتلفوني بيدها يااا ساتر شعدها سحر متصله من الصبح رديت بخوف هلا بيج .

سحر:شنو بعدج نايمه .

=: لا كاعدين

سحر:دتعالي اني يم امي .

=:جايه سديته والتفتت عله الي طلعت قبلي صحت وراها رحاب تعاي لبسيلج بشت .

رحاب:ترى عيب تحجون وياي وكانؤ طفله لو لبسي خلاعي .

=:بيتج البسي مايحلاج واعتقد محد منعج بس تشوفيها لايقه تعبرين بهذا تراكج مهما كان الولد يحلون عليج ونسوانهم ماتقبل .

رحاب:قصدج بطه تغار مو مشكلتي اذ هيه مريضه نفسيا ومخبله .

=:يابه دروحي طبج الم هسه اني شكو حاركه دمي طلعت وهيه وراي صبحت وعيني عله مظفر الي دنك من شاف رحاب ومن فشلتي ماعرفت شسولف هاااا شعجب جايين من الصبح .

سحر:اسكتي رنين ماخلتنه انام من صلاة الفجر لحد ما خلص النقال شحن .

=:شلونها وايه شخبارها صار فترة هنه مايتصلن بيه .

سحر:هذا الاسبوع يجون المهم شو بطه ماكو .

الحجيه:جانت كاعده ريكت الولد ونضفت كتلها روحي اخذيلج غفه مدام جهالج نايمين .

=:ادنيت عله سحر وحجيت بصوت ناصي اطلعي للحديقه اريدج بموضوع وياريت مظفر وياج .

سحر:اي صدك مظفر مو كلت محتاج عدنان غراض مادري شنو للسيارة.

سعاد:التفاهم البينهم عجيب وبدون مايثير الانتباه كام وهو موجه كلامه الي .

مظفر:سعوده بدون زحمه عليج بس فتحيلي باب الترك خلي ابوكلي كم حاجه قبل مايجي السرسري.

سعاد:طلعت قبلهم لحكوني وهمه مستغربين .

مظفر:ها سعاده خو ماصاير شي.

سعاد: بطه حامل .

مظفر:همزين خطيه هو حاير شلون يكطع منها العلاج هاي الفترة ياسبحان الله .

:::التفت لسحر الي تريد اطير من الفرحه يااا اكلكم ماتقبل تبلغه .

مظفر:حقها وزين تسوي اني ذيج الايام مادخلت منتضرها تستعين بيه بس الظاهر مخططه وتعرف شتسوي .

:::ادري اول وتالي يعرف بس خايفه عليها  اكيد تحتاج دكتور يعني تدرون بحالتها .

مظفر:مو طفله ولا غشيمه هيه احرص عله نفسها اكيد ابالها شي خلي ننتضر هذا الاسبوع ونشوف.