ايقونه في ميزان القاضي

البارت الخامس

ايقونه في ميزان القاضي ...

يل هانت عليك دموعي وسنيني ..

ما هزك رجفتي وشوكي لملكاك.
يخايب هيج تاذيني ....

سعاد
_للصبح مانمت احس راسي يريد ينفجر من التفكير شكول شحجي فززني صوت عمي .

أبو ياسر:صباح الخير ليش نايمه هنا شنو هذا بعده ماجاي ..

_صباح الخير نايم بالغرفه بس اني راسي ياذيني ماكدرت انام كعده بين ما احضر ريوك استلمه عمي رزايل علكت بينهم ..

أبو ياسر:بله انته ساقط وغاسل ايدي منك من زمان عتبي عل الجبير الي منتكلين عليه متيهه نسوانه ذيج صارلهااشكد عند اهلها هاي شردت والله يعلم بيا مستنقع خذت بتها ورطتوني بالمحلات ويوميه طاردلي عامل كوم عله حيلك مو احجي وياك ..

_ولا يمه الحجي نوب هو صاحب الزايد صاح عليه خليت الصينيه يم عمي ودخلت.

عدنان:طلعيلي قنادر بسرعه .

_نافش الكنتور كله صدك غثني بجيت لان احس مابقه عندي صبر ولاطاقه كافي عليه مصيبه سفانه حضرتله ملابس بدون ماباوع بوجهه كتله طلكني .

عدنان:هسه لو من ارجع ..

_ردت اطلع جرني عوفني كافي تعبت مليت .

عدنان:احبج وداعت ابوي سعاده ادري بيج تعبانه بس شنو الجديد يعني توكم اكتشفو اشرب ...

_لا ياربي يعني عادي المفروض نسكت ويوميه حضرتك جايني وكت الفجر دايخ ونوب جريت اخوي وياك ..

عدنان:ههههههههه ولج زغيرون وجريته هو اخوج ساقط وعلمني اصلا اني فقير ...

_همزين صاح عمي.

عدنان:ترى يدري جاي اراضيج وصاح حته تعرفين يردون بس يخربون بينا لو صدك يحبج جان كال ابقه صالح زوجتك .

_اريده بس يطلع كلبي بي نار شينزلني لامي ..

أبو ياسر:كلمن يلزم شغله اني مااشتغل عدكم ولك جا احترمتو شيبتي مخليني اركض .

_التفتنا على ابن ياسر طلع يبجي كسر كلبي كمت شلته مانطيت لعمي مجال يحجي كبل تعذرت وكتلهم سفانه مريضه خطيه من امس .

أبو ياسر:اي غير تحجن نشوفلها طبيب شبيها مصخنه شني .

_رديت عليه اي عمو فلانزة خطيه ..

أبو ياسر:هسه اشوف بلكي صيدليه بدربي اخذلها علاج حته لو ادزه بيد الصانع عينج عل الوليد سعوده كوم يله ريوكك ساعه انزل كدامي على ابن عمك خاف بعده دايخ ..

عدنان: خو اخابرة شكو نازل البسه مثل .

_شكد اداهرو صاحت عليهم عمتي يله نزلو بسرعه خليت فقودي يمها وكتلها بس اشوف امي واجي .

ام ياسر:هسه شكو باقيه وحدها دجيبها هنا تبقين صاعده نازله ابتليتي بينا ..

_لكيتها كاعده سوده عليه وزيودي يمها احتاريت شلون احجي والله خجلانه صبحت عليها ..