ايقونه في ميزان القاضي

البارت ٢٩

ايقونه في ميزان القاضي ...
(بطه)

_كل عقلك تريدني اخلف  يعني مايهمك
صحتي هين الي اعاني المفروض
انته الي تحذرني .

ابوالحكم:مابيج غير العافيه  وطلبي دليل
حبي ومعزتي الج.

_ياعافيه اجاملني لو  تقنعني .

ابو الحكم:يابه ترى مكبرة الموضوع هاي انتي
خلفتي ٢ وجنج البخت مايحتاج  هوسه
وكلام اريد اطفال .

_غير انهد حيلي وتعبت نفسيتي وعانيت
ومحد عاش العشته تلفت اعصابي ادمرت خلي اكلك شي قبل العلاج وقت الحاجه هسه صرت اخذه ع مدار اليوم  وحسب تخصصي المفروض اني  اكثر شخص يلتزم بأوقات الدواء.

ابو الحكم:اي التزمي الف مرة
حجيت ليش خليتي انتكالج كله عل حبايه .

_متعافيه مافتهم جاهله وغبيه ضروفي الي اعيشها فوق الممتازة على اساس صاح بيدي مرتاحه بحيث عندي القدرة اعوف العلاج عبالك هين من تجيني الحاله وابني يبجي واحتار شلون اشيله   .

ابو الحكم:وانه مامقصر وفرت كل سبل
المساعده اجيبلج مربيه حته
لو بس ساعات النهار .

_جريت الغطه ودرت وجهي حيل حز بخاطري
وزعلت وكعدنا على موال دلال المايخلص
صبح بثكل وطلع توجهة للجهال نايمين
بعمق  بوست وطن

حرك نفسه بنزعاج رافض الكعده درت على رهن الي شوفته تشوقني لحسين  حاولت اصحيهم ياااا شنو

سهرانين البارحه احجي وياهم وصوت دلال ارتفع 
ابقو نايمين ماما افضللكم  طفيت الضوى وطلعت
بس شافتني فرح كامت الحجيه وابو ياسر 
كاعدين صبحت عليهم وتعديت للمطبخ .

فرح:هاي اجبان بنساوي بيض شو رايك .

_بعدني مارداه عليها دخلت سعاد
وهيه تسوي حراكات بوجهه بمعنى شكو    .

فرح: ست دلال  .

سعاد:ياطلابة الماتخلص .

_عفتهن يتناقشن وحضرت الصينيه
اشرتلهن يله تبعني كعدنا والهوسه كابه بينهم .

دلال:مايرد من امس لليوم اتصل جهازه مغلق .

ابو الحكم:يعني شسوي اروح اخذله خيرة اشوفه وين رجال اشترة وانطاج مهله تفرغين البيت خلص استغلي الوقت  دوريلج مكان .

دلال: وين وين يعني تريدني
أسكن بغير منطقه .

ابو الحكم:مو ردتي ترحين للبصرة.

دلال:يم اهلي خو ما  اجاور غرب .

ابو الحكم:محد ضربج ع
ايدج هذا قرارج .

ابو ياسر:شنو مايطلع عدنان اليوم .

سعاد:طلع من الصبح يكول عندي شغل.

_اشرتله بمعنى اتريك وكمت حميت الجاي.

دلال:زين من قررت تزوج ابنك وين راح تخلي .